Jeremia 33:11 - Uwumbɔr aagbaŋ

¹¹ ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 33:11 ပူးပေါင်းရင်းမြစ်များ

1 Bibɔrb Aabɔr 16:34

Doon Uwumbɔr man, ba pu? u kpa tiŋann; waageehm aa kpa ndoon.

1 Bibɔrb Aabɔr 16:8

Di idoon tii Uwumbɔr, moon waah kpa mpɔɔn pu na man; bui ŋitimbol waah tun ŋitun ŋi na man.

2 Bibɔrb Aabɔr 20:21

U ni binib ngbaan aah nan kpokl tibɔr na aapuwɔb, le u cha bilahngaab di baawanpeenkaan ni bi joo peeni iwinyaan daal na peen, ki loln butɔb aajab pu nsan, ki gaa nlahn ke, “Pak Uwumbɔr man. Waageehm aa kpa ndoon.”

2 Bibɔrb Aabɔr 29:31

Hesekia nan bui binib ngbaan ke, “Naah finn nibaa chain kaa ki kpa tijɔŋ na, li joo ni man idoon aapiin ki nan toor tii Uwumbɔr.” Bi nan kii waamɔb, le biken mu nyan sil ki joo ni tiwakor ki nan toor kitork ki bi ga di see mmii ni na aatork.

2 Bibɔrb Aabɔr 7:3

Israel aanib ngbaan aah nan kan mmii nyan ni paacham ki lir ni aan nwiihn gbiin Uwumbɔr Aadichal ngbaan na, le bi lir lichichikr lichiln ngbaan ni, ki dooni Uwumbɔr ki pak u, waaŋann ni waageehm mu kaa kpa ndoon na pu.

Esra 6:22

Bi nan di mpopiin jin Boroboro u kaa kpa boroboro aanyɔk na Aajim ki ti saa iwiin ilole. Uwumbɔr aah nan cha Asiria aabɔrkpaan san bi kinimbaak ki ter bi, bi maa bima Israel yaab Aawumbɔr Aadichal na pu, le bi nan kpa mpopiin pam.

Nehemia 12:43

Bi nan toor titoor pam liyaadaal ngbaan, le binib ngbaan nan kpa mpopiin sakpen, Uwumbɔr aah nan tii bi mmɔɔn pu na. Bipiib ni mbim mu nan bi njim ngbaan ponn ni, le kifuuk ki bi mɔmɔk nan ŋani na nan buen dandar.

Nehemia 8:12

Kina pu le binib ngbaan mɔmɔk kun bido ki ti jin, ki nyun, ki kpa mpopiin, ki yakr baah kpa pu na tii biken; ba pu? bi bee baah karn pu tii bi na aatataa.

Ilahn 106:1

Pak Uwumbɔr man. Doon Uwumbɔr man, ba pu? u kpa tiŋann; waageehm aa kpa ndoon.

Ilahn 107:1

“Uwumbɔr aah kpa tiŋann pu na, ni di idoon tii u, waageehm aa kpa ndoon.”

Ilahn 107:22

Ni ŋan ke bi di kitork aapiin tii u idoon, ki di mpopiin aalahn len waah tun pu na mɔmɔk.

Ilahn 116:17

M ga tii si idoon aapiin, ki di maameel tii si.

Ilahn 147:13

U cha saagon aabisamɔi pɔɔ, u ŋani waanyoor ŋani saanib pu.

Ilahn 85:7

Uwumbɔr, mɔk timi saageehm mu bi n‑yoonn mɔmɔk na, ki tii timi saaŋmarm aaterm.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 51:11

Saah gaa binib bi lii na ga di mpopiin fuu Jerusalem, ki ga li gaa ilahn ki tar ni mpopiin. Bi ga li kpa mpopiin n‑yoonn mɔmɔk; bi ga nya kinimbaak, ni mpombiin ponn ni ki ti saa n‑yoonn mu kaa kpa ndoon na.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 52:8

Binib bi kii kitisakpeŋ ngbaan na bi tar, baah kpa mpopiin pu na, le bi kpaan ki tar. Binimbil waa Uwumbɔr aah ki gir choo Sionn pu na.

Aisaya 52:9

Nimi Jerusalem aalangbenn, fii ki li tar mpopiin pu, Uwumbɔr gaa waatiŋ lii, ki sɔŋ waanib aasui.

Jeremia 16:9

Li pel, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ga ŋmin mpopiin ni mmɔɔn aafuuk, ni tibɔndinn aajim aafuuk na. Binib bi bi do na ga li bi ki nan kan nimina aah ga ŋa pu na.

Jeremia 17:26

Binib ga nya ni Juda aatim ni, ni Jerusalem aatingbaan ni ki dan; bi ga nya ni Benjaminn aapepel ni, ni taab aagongon ni, ki nya ni ŋijoo paab, ni Juda aaŋangii wɔb ki dan. Bi ga joo ni Maadichal ni ipiin i bi ga di see mmii ni na, ni kitork aapiin, ni njikaabim ni tulalee aayon aapiin, ki kpee idoon aapiin pu.

Jeremia 25:10

M ga cha baamɔɔn, ni mpopiin aafuuk, ni tibɔndinn aajim aapopiin aafuuk na ŋmin chii. Baan ki kan nkpan ki ŋa baakaryaa mam ni, kaan ki kan tijikaar mu.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 30:19

Binib bi koo nima na ga gaa kipak aalahn; mpopiin ga dan le bi li tar. M ga di ŋŋaal biin bi pu le bi pɔr kpee; le kina ngbaan tii bi liyimbil.

Jeremia 30:3

ba pu? n‑yoonn choo le m ga nan giin ni maanib, Israel ni Juda yaab. M ga giin ni bi biyaajatiib aatiŋ ki m nan di tii bi na pu, le ki ga ki ŋa baatiŋ. Min Uwumbɔr le len kina.”

Jeremia 32:44

Binib ga daa i, le bi nyii biŋaal tigbann pu, ki kpab ti, biseeraadam mu ga li bi. Nimina ga ŋa kina Benjaminn aapepel ni, ni ntimbim mu bi gbɔk Jerusalem na, ni Juda aatim ni, ni ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb. M ga giin binib ngbaan baatiŋ pu. Min Uwumbɔr le len kina.”

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Jeremia 33:7

M ga cha Juda ni Israel yaab kan nkam, m ga ki gir siin bi ke baah nan bi pu na.

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Amos 9:14

Le m ga giin ni maanib baatiŋ ni, le bi ga ki gir maa baatim mu nan ber doo na ki koo mu ni. Bi ga ŋum ndaan aasubil aasui ki nyu ŋaadaan, ki ga ko ikpaakon ki ji yaajikaar.

Jona 2:9

Le mma ga gaa ilahn pak si, m ga toor kitork tii si, ki ŋa maah puu ke m ga ŋa pu na. Limɔfal nyan ni Uwumbɔr chee la.”

Nahum 1:7

Uwumbɔr ŋan; waanib yaa bi tibɔr ni kan, u kii bi; le ki lik binib bi fenn buen u chee ki ban nterm na pu.

Sefania 3:14

Israel aanib, li mɔɔni ki tar man. Jerusalem aatiŋ, li mɔɔni sakpen.

Sekaria 10:7

Israel aanib ga li pɔɔ ke butɔb aajab na la, ki ga li kpa mpopiin ke binib bi bi nyu ndaan na. Biyaabitiib ga nan teer linyaŋ lee pu, le Uwumbɔr aah ŋa pu tii bi na, bi ga li kpa mpopiin.

Sekaria 8:19

“Bumɔb aalulm bu ni lulni ŋmanaa, ni ŋmaŋmu, ni ŋmalole, ni ŋmapiik ni na ga kpaln mpopiin, ni mmɔɔn aajim le ki tii Juda aanib. Ni li gee ibamɔn ni nsuudoon.”

Sekaria 9:17

Baanyaan ga nyaŋ. Tijikaar ni ŋisubil aadaan ga tii binib bi laa diin na mpɔɔn.

Jɔnn 3:29

Usapɔɔn yaa kun uchal do kan, uchal le yeh u. Le uchal aajɔ u si u chee ki ŋun waaneel na kpa mpopiin pam. Nima le cha m mu kpa mpopiin mbamɔm.

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

Tibɔkpiirkaan 18:23

Karyaa ubaa mu aan ki li wiin ki ponn ni. Uja ubaa mu aan ki yoor upii ki ponn ni. Upii ubaa mu aan ki mɔn uja ki ponn ni. Binib bi chuun tiir tiwan ki ponn ni na nan ye mpɔɔndam la. Kaanib nan ŋani inyɔk ki ŋmanni ŋinibol mɔmɔk.”