Jeremia 32:8 - Uwumbɔr aagbaŋ

⁸ Tɔ, Uwumbɔr aah sil len pu na, Hanamel nan dan m chee libɔrchiln ni nima, ki nan bui mi ke m daa nkpaakon ngbaan. Le m bee ke Uwumbɔr sil len m chee tibɔr.

Jeremia 32:8 ပူးပေါင်းရင်းမြစ်များ

1 Bibɔrb 2:26

Le Ubɔr Solomonn bui utotoor Abiatar ke, “Gir kun saakpaakon ni, Anatof aatiŋ ni. Aa ŋeer nkun, m mu aan cha bi ku si dandana, ba pu? ni ye ke sin le nan yeh Uwumbɔr Aakaal Aadakaa, nte David chee, le aa ni uma nan kpaan jin waabɔbir mɔmɔk aafalaa.”

1 Bibɔrb 22:25

Le Mikaya bui u ke, “Buyoonn aa ti koo linambakol aadiik kibaa ni ke aa ti bɔr na le aa ga bee.”

1 Bibɔrb Aabɔr 6:60

Baatim mu nan bi Benjaminn aapepel ni na mu sɔ: Geba, ni Alemef, ni Anatof, ni mu aamoŋmɔpaan. Baatim mu ponn ni bi ni baadichal nan koo na, nan ti kpaan ntim kipiik ni mutaa la.

Jeremia 1:1

Kigbaŋ kimina ponn ni aabɔr ye Jeremia aabɔr la. U nan ye Hilkia aajapɔɔn, ki mu nan ye bitotoorb bi nan bi Anatof aatiŋ ki bi Benjaminn aapepel ni na ponn ni ubaa la.

Jeremia 32:2

N‑yoonn ngbaan le Babiloŋ aabɔr aajab nan bi tak Jerusalem, le m mu laŋ libɔrdichal aachiln ni.

Jeremia 32:25

Tɔ, Ndindaan Uwumbɔr, Babiloŋ yaab ban bi nyaŋ kitiŋ kimina, sin mu le bui ke m daa nkpaakon ngbaan biseeraadam aanimbil ni.”

Jeremia 32:7

ke nweeja Salum aajapɔɔn Hanamel ga dan ki nan bui mi ke u ban u di waakpaakon mu bi Anatof aatiŋ ki bi Benjaminn aapepel ni na kooh m pu la, ba pu? mi le ye udo yoo u kpa nsan ke m daa mu na.

Jeremia 33:1

Maah nan beenin bi kiyondiik ni, libɔrchiln ni na, le Uwumbɔr nan ki len m chee tibɔr.

Jeremia 37:12

Le m nan nyan Jerusalem ki cha Benjaminn aapepel ni, maatiŋ ni, m ti kal maafaal aatiŋ pu.

Esekiel 12:7

M nan ŋa Uwumbɔr aah bui mi ke m ŋa pu na. Liyaadaal ngbaan m nan buu lituln ke ukusann na, le naah ti bɔln kijook wɔb na, m di ŋŋaal chee liboln ligoln ni, ki dii nyan. Binib mɔmɔk aah nan si lik na, le m di maatuln buŋ mbɔgbiln pu ki siir.

Sekaria 11:11

Kina pu na, liyaadaal ngbaan le tipuur ngbaan aabɔr nan doo. Binib bi nan daa ki kooh ipiih na nan si lik mi, le ki bee ke Uwumbɔr le bi tuk bi tibɔr, maatuln ngbaan ni.

Jɔnn 4:53

Le uja ngbaan mu bee ke n‑yoonn mu Yesu fe bui u ke ujapɔɔn kan limɔfal na le na. Kina pu le cha u ni waachiln ni aanib mɔmɔk gaa Yesu ki kii.