Jeremia 32:5 - Uwumbɔr aagbaŋ

⁵ Bi ga di Sedekia buen Babiloŋ ni, le u ga ti gaar nima ki ti saa buyoonn m ga chiin u na. U yaa jan Babiloŋ yaab kijaak kan, waan ŋmaa nyaŋ bi. Min Uwumbɔr le len kina.”

Jeremia 32:5 ပူးပေါင်းရင်းမြစ်များ

2 Bibɔrb Aabɔr 13:12

Uwumbɔr ubaa le ye timi aasaloln, le waatotoorb bi do, ki gor ke bi pii ikpiin aan ti to nimi butɔb. Israel aanib, taa tak niyaajatiib Aadindaan Uwumbɔr. Naan ŋmaa nyaŋ u.”

2 Bibɔrb Aabɔr 24:20

Le Uwumbɔr Aafuur Nyaan nan fir utotoor Jehoyada aajapɔɔn Sekaria pu. U nan sil nin chee binib ga li waa u na le ki teen len ke, “Tidindaan Uwumbɔr baa nimi ke ba ŋa ni yii waakaal ki bi joo ni tibɔbir nibaa pu. Ni yii u, kina pu le u mu yii nimi.”

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Jeremia 2:37

Ni ga di inimɔɔn le fenn nipuwɔb tii Ijipt yaab. Min Uwumbɔr le yii naah tii binib bi naadii na; naan kan tinyoor tibaa bi chee.”

Jeremia 27:22

Bi ga yoor li buen Babiloŋ aatiŋ ni ki ti saa n‑yoonn mu m ga fenn maalandak toŋ li wɔb na. Le m ga giin ni li ki nan di siin libuul lee ni. Min Uwumbɔr le len kina.”

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 32:6

Uwumbɔr nan bui mi

Jeremia 37:10

Aa yaa nyaŋ Babiloŋ aajab ngbaan mɔmɔk, le bi kan titotonn na baanja gur dɔ baaboo ni kan, bijabaab ngbaan le ga ki fii ki see kitiŋ kee aan ki wu pel pel.”

Jeremia 39:4

Ubɔr Sedekia ni waajab aah nan kan tiwan ni bi ŋani na, bi nan pɔɔk bibaa ke bi loon kinyeek ki san nya kitiŋ ngbaan ponn ni. Bi nan dii libɔrdichal aasaak ni, le ki dii mbisamɔb mu bi ŋigon ŋilee ngbaan aakaasisik ni na, ki nyan, ki di toŋ Jɔɔdann aafataŋ wɔb.

Jeremia 39:5

Babiloŋ aajab nan paan bi pu le ki ti chuu Sedekia, Jeriko chee, le ki di u buen ubɔr Nebukadnesar, u nan bi Ribla aatiŋ ki bi Hamaf aapepel ni na chee. Nima chee le Nebukadnesar nan ti jin u tibɔr ki siin baah ga ŋa u pu na.

Jeremia 39:7

Nee aapuwɔb, le u cha bi chuu lokr nyan Sedekia aanimbil, ki di tikululn gbin u ke bi di u buen Babiloŋ aatiŋ ni.

Inandalahn 1:14

U ŋmee maatunwanbir mɔmɔk bil le ki buu ti mɔmɔk kpaan tɔb ni. U nan di ti leen nneen ni, le taanyunyuun nyii mi bil kitiŋ. Uwumbɔr di mi tii maadim, le maa nan kpa mpɔɔn mubaa bi chee.

Esekiel 12:12

Ujojoor u joo bi na ga di waatuln buŋ ubɔgbiln pu ki loon dii liboln li bi chee ligoln ni tii u na libɔmbɔln ni ki san. U ga poo biin unimbil pu, kaan li waa waah cha nin chee na,

Esekiel 12:13

le m ga taln maapɔɔk ki chuu u ki ponn ni, le ki di u buen Babiloŋ aatiŋ ni, nin chee u ga ti kpo, kaan kan kitiŋ ngbaan kpala na.

Esekiel 17:15

Juda aabɔr nan nyan upuwɔb, le ki buen Ijipt aabɔr chee ti ban itaan, ni butɔb aajab bi wiir na. U ga nyaŋ aa? U ga ŋmaa nya tibɔr ngbaan ni ii? Waan ŋmaa bii kimɔbaan ngbaan kaa kan ntafadaan.”

Nkahm 14:41

Le Moses bui bi ke, “Kina kan, ba ŋa ni ki yii Uwumbɔr aamɔb dandana wee? Naan ŋmaa nyaŋ bi.