Jeremia 32:44 - Uwumbɔr aagbaŋ

⁴⁴ Binib ga daa i, le bi nyii biŋaal tigbann pu, ki kpab ti, biseeraadam mu ga li bi. Nimina ga ŋa kina Benjaminn aapepel ni, ni ntimbim mu bi gbɔk Jerusalem na, ni Juda aatim ni, ni ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb. M ga giin binib ngbaan baatiŋ pu. Min Uwumbɔr le len kina.”

Jeremia 32:44 ပူးပေါင်းရင်းမြစ်များ

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Jeremia 13:19

Bidim gob Juda aatim mu bi ŋŋangii wɔb na; ubaa aan ŋmaa bɔ bijab ni ki ti fuu bi chee. Bi di Juda aanib mɔmɔk buen tinaagbiir ni a.”

Jeremia 17:26

Binib ga nya ni Juda aatim ni, ni Jerusalem aatingbaan ni ki dan; bi ga nya ni Benjaminn aapepel ni, ni taab aagongon ni, ki nya ni ŋijoo paab, ni Juda aaŋangii wɔb ki dan. Bi ga joo ni Maadichal ni ipiin i bi ga di see mmii ni na, ni kitork aapiin, ni njikaabim ni tulalee aayon aapiin, ki kpee idoon aapiin pu.

Jeremia 30:18

Uwumbɔr ki bui ke, “M ga giin ni maanib baatiŋ pu ki san lidichal mɔmɔk kinimbaak; Jerusalem ga ki gir maa, le kaanaan aadichal ki gir sil.

Jeremia 30:3

ba pu? n‑yoonn choo le m ga nan giin ni maanib, Israel ni Juda yaab. M ga giin ni bi biyaajatiib aatiŋ ki m nan di tii bi na pu, le ki ga ki ŋa baatiŋ. Min Uwumbɔr le len kina.”

Jeremia 31:23

Uwumbɔr Mpɔɔnsakpiindaan, u ye Israel yaab Aawumbɔr na bui ke, “M yaa ki giin binib ngbaan kaan baatiŋ pu kan, bi ga ki len Juda ni kaatim ni ke, ‘Uwumbɔr ŋa waanyoor ŋa Jerusalem aagongoln li bi chain, aan u koo nima chee na pu.’

Jeremia 32:10

M nan nyii ŋŋaal kigbaŋ ki bi kpab ki na, le ki cha biseeraadam mu nyii, le ki ŋaŋ ŋimombil ngbaan likar pu.

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 33:13

Bipihkpaab ga ki kahn baapiih ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb, ni Benjaminn aapepel ni, ni ntimbim mu bi gbɔk Jerusalem na ni, ni Juda aatim ni. Min Uwumbɔr le len kina.”

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Jeremia 33:7

M ga cha Juda ni Israel yaab kan nkam, m ga ki gir siin bi ke baah nan bi pu na.

Obadia 1:19

Binib ga nyan ni Juda aawilir aaŋangii wɔb le ki nan gaa Edom aatiŋ; le binib bi bi liwilir wɔb aagongon ni na ga gaa Filistia yaab aatiŋ, Israel yaab mu ga gaa Efraim ni Samaria aatim, le Benjaminn aanib ga gaa Gilead aatiŋ.

Obadia 1:20

Israel yaab bi binib nan chur bi buen kitiyayaŋ ni ki cha baatiŋ liwipuul aaŋangan wɔb na ga ki gir nan gaa Fonisia aatiŋ ki ti saa Sarefaf aatiŋ ni ŋŋangan wɔb. Jerusalem yaab bi binib nan chur bi tinaagbiir ki di bi buen Sadis aatiŋ ni na le ga gaa ntim mu bi Juda aaŋangii wɔb na.

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Sekaria 7:7

Buyoonn Jerusalem aatiŋ nan kpa liwangol ni binib na, kina le Uwumbɔr nan cha n‑yaayoonn na aabɔnabr nan len. N‑yoonn ngbaan, binib pam nan koo ntim mu mann goln Jerusalem na ni, ni ŋŋangii wɔb aapepel ni, ni liwilir wɔb aataataab aagongon na mu ni.