Jeremia 32:35 - Uwumbɔr aagbaŋ

³⁵ Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Jeremia 32:35 ပူးပေါင်းရင်းမြစ်များ

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

1 Bibɔrb 14:16

Jeroboam aah tun titunwanbir ki cha Israel yaab mu tun pu na le ga cha Uwumbɔr yii Israel yaab.”

1 Bibɔrb 15:26

Ute u nan puen jin nnaan aan u nan nab na aah nan bi pu na, u mu nan tun Uwumbɔr titunwanbir ki cha Israel yaab mu tun kina la.

1 Bibɔrb 15:30

Jeroboam aah nan tun titunwanbir ki cha Israel yaab mu tun, ki fiin bima Israel yaab Aadindaan Uwumbɔr aaŋuul na le nimina nan ŋa.

1 Bibɔrb 16:19

Waah nan tun Uwumbɔr titunwanbir na pu le nimina nan ŋa. U nan tun Uwumbɔr titunwanbir ki cha Israel yaab mu tun titunwanbir ke Jeroboam u nan puen u jin nnaan na, le ki bii Uwumbɔr aasui.

1 Bibɔrb 21:22

Saadichal ga ŋa ke Nebat aajapɔɔn ubɔr Jeroboam aadichal na, ki ki bi ke Ahija aajapɔɔn Ubɔr Baasa aadichal na. Saah fiin maaŋuul ki cha Israel yaab tun titunwanbir pu na, le ni ga ŋa kina.’

2 Bibɔrb 21:11

“Ubɔr Manase nan tun tijɔŋ sakpenn aawan nimina, u nan tun ni bir jer Kanaann aanib aah nan tun pu na, le ki di waawaa mɔk Juda aanib le bi tun titunwanbir.

2 Bibɔrb 21:4

U nan maa ŋiwaa aatork aabimbin Uwumbɔr Aadichal li ponn ni Uwumbɔr len ke bi ga li dooni u nima chee na.

2 Bibɔrb 23:10

Ubɔr Josia nan ki bii kiwaachuk ki bi Hinom Aafataŋ ni, aan bi yin ki ke Tofef na, aan ubaa taa ki ŋmaa di ujapɔɔn bee ubisal kɔr toor kitork ki bi joo seer mmii ni na tii liwaal Molek.

2 Bibɔrb 23:15

Josia nan ki ber Nebat aajapɔɔn Jeroboam u nan di titunwanbir mɔk Israel yaab na aah nan maa tiwaadir ti Betel aatiŋ ni na. Josia nan tur liwaabimbiln ngbaan lii, le ki gbaa wɔi laatakpal, le ki san ŋi, ŋi ti kpaln kitangbaak; u nan ki see liwaapii Asera aanaŋ mu mmii.

2 Bibɔrb 3:3

Tɔ, Nebat aajapɔɔn Ubɔr Jeroboam u nan puen u jin nnaan na aah nan bi pu na, u mu bi kina la, le ki nan cha Israel yaab tun titunwanbir kaa di cha.

2 Bibɔrb Aabɔr 33:6

U nan di ujapɔtiib toor kitork ki di see mmii ni, Hinom Aafataŋ ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na, ni binib bi len bitekpiib chee tibɔr na chee. U nan tun Uwumbɔr titunwanbir sakpen le ki fiin waaŋuul.

2 Bibɔrb Aabɔr 33:9

Manase nan cha binib tun titunwanbir ti jer ŋitimbol ŋi Uwumbɔr aanib nan tur koo ŋi ponn ni aan u jenn nyan ŋaanib na aah nan tun pu na.

2 Bibɔrb Aabɔr 36:14

Ki ki kpee na, Juda aasalolm, ni bitotoorb, ni binib ngbaan nan dii ŋitimbol ŋi mann goln bi na aah tun titunwanbir sakpen ki dooni ŋiwaa na aabimbin. Bi nan ŋa kina le ki bii Uwumbɔr Aadichal li Uwumbɔr ubaa ŋa li chain na.

Nnyam 32:21

Le u baa Aaronn ke, “Binib ngbaan ŋa si kinye, aan aa cha bi tun titunwanbir sakpen timina aaboln?”

Aisaya 57:5

Ni doo bipiib chee tiwaachur ni, ke ni dooni ŋiwaa ŋi kpa mmaal na la. Ni joo nimi aabim ti toor kitork titakpalunn ni, ikpen aafataŋ ni.

Jeremia 19:2

aan m di bi dii mbisamɔb mu bi yin mu ke Kisanjaŋ Aabisamɔb na, ki di buen Hinom Aafataŋ ni. Nima chee le m ga ti di waah ga di waabɔr ti tuk mi na nabr bi.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Jeremia 7:30

“Juda aanib tun titunwanbir la. Bi di baawaa ŋi bir sakpen na bil Maadichal ni, ki bii li.

Jeremia 7:31

Bi maa kitork aabimbiln li bi yin li ke Tofef na, Hinom aafataŋ ni, ke bi li joo bijapɔtiib ni bibisatiib toor kitork mmii ni. Maa nan bui bi ke bi ŋa kina, kina aalandak aa nan kpaan koo ni nsui ni.

Esekiel 23:37

Bi goor kidagook ki ku binib, bi gɔr ŋiwaa chee kidagook, ki ku bijapɔtiib bi m ni bima ma na. Bi joo bijapɔtiib toor kitork tii ŋiwaa.

Liifai Yaab 18:21

Taa di nimi aabim tii ke bi di toor kitork tii liwaal Molek, ba pu? ni ga joo ni inimɔɔn Nidindaan Uwumbɔr aayimbil pu.

Lituln 7:43

Ni nan yoor liwaal li bi yin li ke Molek na aabool, ni liwaal Refann li ye liŋmabil aanaŋ na. Ni nan mɔɔ ŋiwaa ŋimina, ke ni li dooni ŋi. Nima pu na, m ga di nimi buen tinaagbiir ni, kitiŋ ki bi Babiloŋ aatiŋ aapuwɔb na ni.’

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

Ikaal 18:10

Ni taa di nimi aabim see mmii ni, nimi aatork aabimbiln pu. Ni taa cha ubaa le ye ubɔɔ, ubaa mu taa ji nnyɔk. Ubaa taa ban ke u bee tiwan ni ga fe ŋa fen na.

Ikaal 24:4

uchakpok na aan ki ŋmaa yoor u, ba pu? u nan ki mɔn tichar a. U yaa ki yoor upii ngbaan kan, ni ye tibɔbir Uwumbɔr chee la. Nidindaan Uwumbɔr aah ban u di kitiŋ ki tii nimi na, ni taa ŋa titunwanbir kina aaboln nima chee.