Jeremia 32:34 - Uwumbɔr aagbaŋ

³⁴ Bi nan kpaan di baawaabir ngbaan bil Maadichal li bi maa tii mi pu na, le ki bii lidichal ngbaan.

Jeremia 32:34 ပူးပေါင်းရင်းမြစ်များ

2 Bibɔrb 21:1

Manase nan ye ŋibin kipiik ni ŋilee aanii le ki jin Juda aanaan, le ki koo Jerusalem aatiŋ ni ki joo waanib ki ti saa ŋibin piiŋmu ni ŋiŋmu. Una le nan ye Hefsiba.

2 Bibɔrb 23:6

U nan nyan liwaapii Asera aanaŋ Uwumbɔr Aadichal ni, le ki di buen Kidronn aafataŋ ni, le ki ti di li see mmii ni, le ki san laafatan ti kpaln kitangbaak, le ki di kitangbaak ngbaan yaa yaa binib mɔmɔk aacheek ni.

2 Bibɔrb Aabɔr 33:15

U nan nyan ŋiwaa ni liwaal li u nan naan siin Uwumbɔr Aadichal ni na li ponn ni, ki ber ŋiwaa aatork aabimbin ŋi nan bi ligongoln li pu Uwumbɔr Aadichal si na, ni ŋi mu bi Jerusalem aapepel ŋiken na; u nan di tiwan ngbaan nyan kitiŋ ngbaan aagbaan ki ti di ni mee.

2 Bibɔrb Aabɔr 36:14

Ki ki kpee na, Juda aasalolm, ni bitotoorb, ni binib ngbaan nan dii ŋitimbol ŋi mann goln bi na aah tun titunwanbir sakpen ki dooni ŋiwaa na aabimbin. Bi nan ŋa kina le ki bii Uwumbɔr Aadichal li Uwumbɔr ubaa ŋa li chain na.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 23:11

Uwumbɔr bui ke, “Maabɔnabtiib ni bitotoorb aa dii min Uwumbɔr; m kan bi Maadichal ponn ni, bi bi tun titunwanbir.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 34:15

Iwiin ilee i jer na, ni nan kpeln nimi aalandak ki ŋa tiwan ni piir nsui na. Ni mɔmɔk nan kii ke ni di nimi aanaagbiib bi ye Israel yaab na lii, le ki puu tipuur nnimbiin ni, Maadichal li ponn ni bi dooni mi na.

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Jeremia 7:10

Ni ŋani tiwan ni maa gee ni na, le ki dan nan sil nnimbiin ni, min mbaa Aadichal ni, ki bui ke, ‘Ti kpa ŋŋmarm.’

Jeremia 7:30

“Juda aanib tun titunwanbir la. Bi di baawaa ŋi bir sakpen na bil Maadichal ni, ki bii li.

Jeremia 7:31

Bi maa kitork aabimbiln li bi yin li ke Tofef na, Hinom aafataŋ ni, ke bi li joo bijapɔtiib ni bibisatiib toor kitork mmii ni. Maa nan bui bi ke bi ŋa kina, kina aalandak aa nan kpaan koo ni nsui ni.