Jeremia 32:32 - Uwumbɔr aagbaŋ

³² Juda ni Jerusalem aanib, ni baabɔrb, ni baayidam, ni baatotoorb, ni bibɔnabr mɔmɔk aah tun titunwanbir ti mɔmɔk na pu.

Jeremia 32:32 ပူးပေါင်းရင်းမြစ်များ

Esra 9:7

Ki nyan tiyaaja tiib yoonn ki nan saa din, timi saanib tun titunwanbir sakpen. Timi aatunwanbir pu le timi, ni timi aabɔrb, ni timi aatotoorb koo ntiyayam aabɔrb aaŋaal ni, le bi ku timi, ki sun timi aawangol, ki di timi buen tinaagbiir ni. Ti kpaln binimɔɔnib le ki nan saa din wee.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Jeremia 2:26

Uwumbɔr bui ke, “Nimi Israel aanib, ni nimi aabɔrb, ni bininkpiib, ni nimi aatotoorb, ni bibɔnabtiib mɔmɔk ga ji inimɔɔn ke baah chuu unaayuk kan, u ji inimɔɔn pu na la.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Jeremia 44:21

“Ni dak ke nimi, ni niyaajatiib, ni nimi aabɔrb, ni nimi aasalolm, ni kitiŋ ngbaan pu aanib aah nan toor kitork ki tii ŋiwaa, Juda aatim ni, ni Jerusalem aatiŋ ponn ni na, Uwumbɔr aa nyi ti pu, bee u suln ti pu la aa?

Jeremia 7:17

Saa waa baah tun pu Juda aatim ni, ni Jerusalem aatiŋ ponn ni pu na aa?

Esekiel 22:6

Israel yaab aasalolm mɔmɔk nan dak ke bibaa aapɔɔn pu le bi bi, le ki ku binib.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Daniel 9:6

Taa nan pel saatutum ni saabɔnabtiib bi nan di saayimbil tuk timi aabɔrb, ni binib bi joo ntim na, ni tiyaajatiib, ni litimbol mɔln na aah nan len pu na.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.

Daniel 9:8

Ndindaan, timi aabɔrb, ni binib bi joo ntim na, ni tiyaajatiib nan tun titunwanbir ki jin inimɔɔn.