Jeremia 32:31 - Uwumbɔr aagbaŋ

³¹ Ki nyan nwiin mundaal bi nan maa kitiŋ kee na, le kaanib cha maaŋuul fii sakpen. M ŋa nlandak ke m kuln ki,

Jeremia 32:31 ပူးပေါင်းရင်းမြစ်များ

2 Bibɔrb 21:16

Manase nan ku binib bi kaa tun taani ubaa na sakpen, le Jerusalem aatiŋ ponn ni nan ti gur ye nsin ŋmeen; u nan ŋa kina le ki di kpee waah nan di ŋiwaa mɔk Juda aanib ki cha bi tun Uwumbɔr titunwanbir pu na pu.

2 Bibɔrb 23:15

Josia nan ki ber Nebat aajapɔɔn Jeroboam u nan di titunwanbir mɔk Israel yaab na aah nan maa tiwaadir ti Betel aatiŋ ni na. Josia nan tur liwaabimbiln ngbaan lii, le ki gbaa wɔi laatakpal, le ki san ŋi, ŋi ti kpaln kitangbaak; u nan ki see liwaapii Asera aanaŋ mu mmii.

2 Bibɔrb 23:27

Uwumbɔr nan bui ke, “Maah ŋa Israel aatiŋ pu na, kina le m ga ŋa Juda aatiŋ: m ga jenn nyan Juda aanib nnimbiin ni, le ki ga yii Jerusalem aatiŋ ki m lee ki na, ni Uwumbɔr Aadichal li ponn ni m bui ke bi li dooni mi na.”

Jeremia 23:39

m ga sil yoor bima ni kitiŋ ki m nan di tii bi ni biyaajatiib na di mee dandar dandar.

Jeremia 27:10

Bi ŋmanni nimi la, le kina ngbaan ga cha bi chur nimi buen dandar ki cha nimi aatiŋ. M ga jenn nyan nimi, le bi ku doo nimi.

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.