Jeremia 32:30 - Uwumbɔr aagbaŋ

³⁰ Ki nyan Israel yaab ni Juda yaab aapiin aabɔr ni, bi ŋani maah kaa gee pu na la, le baatun fiini maaŋuul.

Jeremia 32:30 ပူးပေါင်းရင်းမြစ်များ

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Aisaya 63:10

le bi nan yii u ki nyan upuwɔb, le ni tii Waafuur Nyaan mpombiin. Kina pu le Uwumbɔr kpaln baadin, le ki jan bi kijaak.

Jeremia 11:17

“Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 2:7

M nan joo ni bi kitiŋ ki nyuun na pu, ke bi nan ji kaajikaar ni kaawamɔɔn mɔmɔk. Le bi labr ki ŋa maatiŋ tijɔŋ; bi bii kitiŋ ki m nan di tii bi na.

Jeremia 22:21

Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 25:6

Bi nan bui nimi ke ni taa li dooni ŋiwaa ki taa li dii ŋi, ki taa cha Uwumbɔr aaŋuul fii naah dooni ŋiwaa ŋi ni naan nibaa na pu. Ni yaa ba nan kii Uwumbɔr aamɔb kan, waa ba ga nan daa nitafal.

Jeremia 25:7

Tɔ, Uwumbɔr ubaa len ke ni yii, kaa pel u chee. Ni tee cha waaŋuul fii nimi aawaa pu, le ki joo ni ntafadaan mue nibaa pu.

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 36:2

“Ban kigbaŋ ki ŋmee maah tuk si Israel, ni Juda, ni ŋitimbol mɔmɔk aabɔr ti na ŋa ki ponn ni. Ŋmee maah nan piin bundaal ki len aa chee tibɔr na, buyoonn Josia nan ye ubɔr na, ki nan saa din wee na.

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 20:8

Tɔ, bi nan lik mi fam ki yii; baan ŋun tii mi. Baa nan di ŋiwaa ŋi sukr ponn ni na ngbaan mee, kaa di cha Ijipt yaab aawaa na mu. Ijipt aatiŋ ni, le m nan gor ke m cha bi bee maaŋuul aah pɔɔ pu na.

Esekiel 23:3

Baah nan laa ye nsapɔmbim ki koo Ijipt aatiŋ ni na, le bi bee bijab ki kpaln bidagoob.