Jeremia 32:29 - Uwumbɔr aagbaŋ

²⁹ ki see ki mmii. Bi ga see ki ni tidir ti pu binib seer tulalee aayon tii liwaal Baal ti paab, ki joo ndaan toor kitork tii ŋiwaa, ki cha maaŋuul fii bi pu na mɔmɔk mmii ni.

Jeremia 32:29 ပူးပေါင်းရင်းမြစ်များ

2 Bibɔrb 25:9

U nan see Uwumbɔr Aadichal, ni libɔrdichal, ni binikpaam bi mɔmɔk nan bi Jerusalem aatiŋ ni na aadichal lii;

2 Bibɔrb Aabɔr 36:19

U nan see Uwumbɔr Aadichal, ni kitiŋ ngbaan lii; u nan see kaabɔrdichal mɔmɔk ni laawangol lii, le ki gbaa wiil kitiŋ ngbaan aagon.

Nehemia 8:16

Le binib ngbaan ban tisufar ki nan ŋa tikakar baachin ponn ni, ni baadir aapaacham, ni Uwumbɔr Aadichal aachiln ponn ni, ni mpaan mu bi mbisamɔb mu bi yin mu ke Nnyun Aabisamɔb na, ni mu bi yin mu ke Efraim Aabisamɔb na chee.

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Jeremia 11:17

“Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Jeremia 21:10

M siin ke maan cha kitiŋ kee ŋmar, m siin ke m kuln ki la. M ga di ki tii Babiloŋ yaab aabɔr le u see ki mmii. Min Uwumbɔr le len kina.”

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 32:3

Ubɔr Sedekia nan di mi laŋ nima ki galn mi ke m moon ke Uwumbɔr bui ke, “M ga cha Babiloŋ aabɔr nyaŋ kitiŋ kee

Jeremia 34:2

Uwumbɔr u ye Israel yaab Aawumbɔr na, nan bui mi ke m ti tuk Juda Aabɔr Sedekia ke, “Min Uwumbɔr ga di kitiŋ kimina tii Babiloŋ aabɔr, le u see ki mmii.

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 52:12

Ubɔr Nebukadnesar aah nan ye Babiloŋ aabɔr pu na aabin kipiik ni liwawaer aaŋmaŋmu aawiin kipiik daal, le waasusur Nebusaradann, u nan ki ye waajab aayidaan na, nan koo Jerusalem aatiŋ ni.

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Jeremia 7:17

Saa waa baah tun pu Juda aatim ni, ni Jerusalem aatiŋ ponn ni pu na aa?

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Inandalahn 4:11

Uwumbɔr nan buur waaŋuusakpeln lii; U nan tuur mmii Sionn aatiŋ ponn ni le mu wun ki pel pel.

Esekiel 23:47

Cha kina aanipaak yur bi ŋitakpal, ki di kijaak aajuk tak bi, ki ku baabim, ki see baadichal mmii lii.

Matiu 22:7

Le ubɔrkpaan ngbaan gee liŋuul sakpen, le ki tun waajab le bi ti ku binikurb ngbaan, le ki see baatiŋ mmii.

Lituln 10:9

Naah woln kitaak na, le bi bi nsan ni, ki peen Jɔpa aatiŋ ni. Nwiin kaasisik ni, le Piita jon kidiik paab u ti mee Uwumbɔr.

Hiibru Yaab 3:16

Ŋma ŋun Uwumbɔr aaneel ki yii waamɔb? Naa ye binib bimɔk Moses nan nyan bi Ijipt aatiŋ ni na aa?