Jeremia 32:21 - Uwumbɔr aagbaŋ

²¹ Saajinjiir ni iwaan aatun le nan cha ijawaan chuu timi aadim, le aa di saapɔɔn nyan ni saanib Israel yaab, Ijipt aatiŋ ni.

Jeremia 32:21 ပူးပေါင်းရင်းမြစ်များ

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

1 Bibɔrb Aabɔr 17:21

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken.

Ilahn 105:37

le ki nin cheen Israel yaab nyan kitiŋ ngbaan ponn ni. Bi nan tu tikunabr ni salmaa mam, le bi mɔmɔk kpa laafee ki pɔɔ.

Ilahn 105:43

Kina le u nan cheen waanib bi u gann bi na nyan, le bi nan gaa ilahn ki tar mpopiin pu.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 3:20

M ga di maapɔɔn daa Ijipt yaab aatafal, ki ŋa ijawaan aawan baatiŋ ni. Nee aapuwɔb na u ga cha ni buen.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Ikaal 11:3

Ni nan kan Uwumbɔr aah ye mpɔɔnsakpiindaan, ki tun ŋitukpaan, ni lijinjiir aatun pu na. Ni nan kan waah ŋa Ijipt aabɔr, ni waatiŋ mɔmɔk pu na.

Ikaal 26:8

Le u di waapɔɔnsakpiin na nyan timi Ijipt yaab aaŋaal ni. U nan cha iwaan ni lijinjiir aawan ŋa, le ki cha ijawaan aawan ŋa nima chee.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.