Jeremia 32:20 - Uwumbɔr aagbaŋ

²⁰ N‑yaayoonn na, aa nan tun lijinjiir ni iwaan aatun Ijipt aatiŋ ni, le ki beenin tun ŋi ki nan saa din; aa tun ŋi Israel aatimbol, ni ŋitimbol ŋiken ponn ni, le dandana unii mɔmɔk nyi si, ni kookoo.

Jeremia 32:20 ပူးပေါင်းရင်းမြစ်များ

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

1 Bibɔrb Aabɔr 17:21

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken.

Nehemia 9:10

Aa nan tun iwaan aatun ki kiir Ijipt aabɔrkpaan, ni waaninkpiib, ni waanib bi bi kitiŋ ngbaan pu na, ba pu? aa nan nyi baah nan muk saanib pu na. Aa nan jin liyimbil li aa beenin kpa dandana wee na.

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Ilahn 135:9

Nima chee le u nan tun iwaan aatun, ki di daa nima chee aabɔr, ni waaninkpiib aatafal.

Nnyam 10:2

le ni mu ga ŋmaa tuk nimi aabim, ni niyaabitiib, maah tun lijinjiir aatuln, ki cha Ijipt yaab kpaln bijɔrb pu na. Ni mɔmɔk ga bee ke min le ye Uwumbɔr.”

Nnyam 3:20

M ga di maapɔɔn daa Ijipt yaab aatafal, ki ŋa ijawaan aawan baatiŋ ni. Nee aapuwɔb na u ga cha ni buen.

Nnyam 7:3

M ga cha ubɔr ngbaan pɔɔk usui, kaan ŋun tii si; m yaa gee m ŋa ijawaan aatun pu na kan, waan cha ni nya Ijipt aatiŋ ni.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Aisaya 63:14

Baah peer inaa chaa kifataŋ ki kpa timoor na ponn ni pu na, kina le Uwumbɔr tii waanib lifuur. U loln waanib pu nsan ki cha waayimbil kan bunyuŋ.

Jeremia 13:11

M ba ban ke Israel ni Juda aanib mɔmɔk li bub joo mi kin kin ke lichutageln aah ŋeer kichaŋ sab pu na la. M nan ŋa kina ke bi li ye maanib ki joo ni kipak ni inyuŋ nan tii mi la; le bi yii kaa kii maamɔb.”

Daniel 6:28

Kina pu na, Daniel nan kan nwankam n‑yoonn mu Darius ni Sairus u nyan ni Pesia aatiŋ ni na nan joo kitiŋ ngbaan.

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

Ikaal 11:3

Ni nan kan Uwumbɔr aah ye mpɔɔnsakpiindaan, ki tun ŋitukpaan, ni lijinjiir aatun pu na. Ni nan kan waah ŋa Ijipt aabɔr, ni waatiŋ mɔmɔk pu na.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 6:22

Tinimbil ni, le ti kan u ŋa iwaan, ni ijawaan aawan, ki daa Ijipt yaab, ni baabɔr, ni waayidam mɔmɔk aatafal.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.