Jeremia 32:18 - Uwumbɔr aagbaŋ

¹⁸ Aa mɔk binib ŋichur ŋichur saageehm mu bi n‑yoonn mɔmɔk na, le ki mu dar binib aatafal, bitetiib aatunwanbir pu. Aa ye Uwumbɔr u aapɔɔn nyaŋ na la; sin le ye Uwumbɔr Mpɔɔnsakpiindaan.

Jeremia 32:18 ပူးပေါင်းရင်းမြစ်များ

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

2 Bibɔrb 9:26

‘M kan baah ku Nabof ni ujapɔtiib fen na pu na. Le m puu ke m ga daa aatafal nkpaakon baan mue ni.’” Le Jehu bui waaja ngbaan ke, “Yoor Joram ki di mee Nabof aakpaakon ni, aan ni gbiin Uwumbɔr aah nan puu pu na.”

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Ilahn 89:9

Sin le joo nnyusakpem mu pɔɔ sakpen na; aa cha mu aanyunkpenn doon suuna.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Nnyam 34:7

M joo maah puu tipuur ti na le ti ye ki tii mmaal lichur, le ki cha pinni titunwanbir; mmaal mu aatetiib tun titunwanbir na kan, m ga daa biyaabitiib ni biyaabisɔsɔk aatafal.”

Aisaya 10:21

Israel yaab siib le ga gir ni Baawumbɔr Mpɔɔndaan chee.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Jeremia 31:35

Uwumbɔr tii nwiin ke mu li wiin nwiin pu la, ki cha uŋmal ni iŋmabi tii nwiihn kinyeek. U kur nnyusakpem ni le mu ŋuuni, waayimbil le ye ke Uwumbɔr Mpɔɔnsakpiindaan.

Jeremia 33:2

Uma u aayimbil ye Uwumbɔr, aan u naan taab, ki toor, ki di ki siin na, nan len m chee tibɔr ke,

Jeremia 50:34

Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Matiu 27:25

Le bi mɔmɔk bui u, “Cha waasin li bi timi, ni timi aabim aaŋaal ni.”

Tibɔnyaan ti Luk ŋmee ti na 6:38

Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

Ikaal 10:17

Nidindaan Uwumbɔr le jer dindatiib mɔmɔk, le ki kpa mpɔɔn mu ki jer ipɔɔn mɔmɔk. Waah ye usakpiin ki kpa mpɔɔn na, le ni ŋeer ke ti li san u ijawaan. Waa kpa imaagann, le kaa gaal igaŋgaŋlik.

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.