Jeremia 32:17 - Uwumbɔr aagbaŋ

¹⁷ “Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Jeremia 32:17 ပူးပေါင်းရင်းမြစ်များ

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

2 Bibɔrb 19:15

le ki mee u ke, “Uwumbɔr Mpɔɔnsakpiindaan u ye timi Israel yaab Aadindaan, ki ka saabɔrjal li bi tiwan ni kpa ifeen na aapaacham na, sin baanja le ye Uwumbɔr, ki joo dulnyaa aanaan mɔmɔk. Sin le naan taab ni paacham.

2 Bibɔrb 3:18

Le Elaisa ki nab ke, “Tɔ, nimina ye Uwumbɔr chee tiwan ni kaa pɔɔ ke u ŋa na la; u ga ki cha ni nyaŋ Moab yaab.

Nehemia 9:6

Le Israel aanib mee limeel limina: “Uwumbɔr, sin baanja le ye Uwumbɔr. Sin le naan paacham ni iŋmabi i bi kitaapaak na. Sin le naan kitiŋ, ni nnyusakpem, ni tiwan ni mɔmɔk bi ni ponn ni na; sin le tii ni mɔmɔk limɔfal. Paacham aawan mɔmɔk gbaani le ki dooni si.

Job Aagbaŋ 42:2

Uwumbɔr, m nyi ke aa ye mpɔɔnsakpiindaan la; ki nyi ke aa ga ŋmaa ŋa tiwan ni mɔmɔk aa ban na.

Ilahn 102:25

n‑yoonn mu jer na le aa nan naan kitiŋ, ki di aabaa aaŋaal naan paacham.

Ilahn 136:12

U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Nnyam 20:11

Iwiin iloob le min Uwumbɔr di naan dulnyaa, ni kitaapaak, ni nnyusakpem, ni tiwan ni mɔmɔk bi ni ponn ni na, ki di winlole daal fuur. Nima pu le min Uwumbɔr ŋa tinyoor ŋa winlole daal pu ki ŋa mu chain.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 59:1

Taa dak man ke Uwumbɔr aa kpa mpɔɔn ke u gaa nimi lii, bee u kpaa sakpen, kaan ki ŋun naah yin u pu ki ban nterm na.

Jeremia 1:6

Le m gar u ke, “Ndindaan Uwumbɔr, maa ŋmaa len; m laa par sakpen.”

Jeremia 14:13

Le m bui ke, “Ndindaan Uwumbɔr, aa nyi ke saabɔnabtiib tuk binib ngbaan ke butɔb, bee nkon aan li bi, bi bui bi ke aa nan puu ke nsuudoon baanja le ga li bi timi aatiŋ pu.”

Jeremia 21:2

“Ti gaŋ si ke aa len Uwumbɔr chee tibɔr tii timi, Babiloŋ Aabɔr Nebukadnesar ni waajab aah bi gob timi aatiŋ pu na pu. Nibaakan, Uwumbɔr ga tun waajinjiir aatuln libaa tii timi, ki cha Nebukadnesar gir upuwɔb.”

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Jeremia 32:27

“Min le ye Uwumbɔr, u ye unii mɔmɔk Aawumbɔr na. Nibaa aa pɔɔ m chee.

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Jeremia 4:10

Le m bui ke, “Ndindaan Uwumbɔr, aa ŋmann Jerusalem aanib kookoo a. Aa bui bi ke nsuudoon ga li bi, le kijaak aajuk ka bineen ni.”

Jeremia 51:15

Uwumbɔr di waapɔɔn le naan kitiŋ kee, waalan le u di naan dulnyaa le ki daa taln kitaapaak.

Jeremia 51:19

Uma Uwumbɔr u tiyaaja Jakob nan dii u na aa bi kina; uma le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Esekiel 11:13

Maah bi nabr Uwumbɔr aabɔr kina na, le Pelatia lir kpo. M nan tar lir kitiŋ lichichikr le ki teen ke, “Ndindaan Uwumbɔr, maa kii. Aa ban aa ku unii umɔk gur Israel aatiŋ pu na la aa?”

Esekiel 9:8

Baah bi ku binib kina na, m nan si nima mbaa baanja la. M nan tar lir kitiŋ lichichikr le ki teen ke, “Ndindaan Uwumbɔr, saaŋuul fii Jerusalem aatiŋ pu sakpen le aa ban aa ku unii umɔk gur Israel aatiŋ pu na aa?”

Daniel 2:22

U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Sekaria 8:6

“Nimina ga li pɔɔ litimbol ngbaan aanib bi gur nima chee na chee, le mma chee kan, naa pɔɔ.

Nkahm 11:23

Le Uwumbɔr giin baa u ke, “Aa nyi maapɔɔn mɔk aa? Naan yunn le aa ga kan ke maah len pu na ga ŋa aan naan ŋa.”

Matiu 19:26

Le Yesu lik bi le ki bui bi, “Ni pɔɔ binib le chee. Nibaa aa pɔɔ Uwumbɔr chee.”

Tibɔnyaan ti Mak ŋmee ti na 10:27

Le Yesu lik bi, ki bui bi ke, “Ni pɔɔ binib le chee. Naa pɔɔ Uwumbɔr chee; nibaa aa pɔɔ Uwumbɔr chee.”

Tibɔnyaan ti Luk ŋmee ti na 1:37

nibaa aa pɔɔ Uwumbɔr chee.”

Tibɔnyaan ti Luk ŋmee ti na 18:27

Le Yesu bui ke, “Tiwan ni pɔɔ binib chee na aa pɔɔ Uwumbɔr chee.”

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 15:18

Uwumbɔr le len kina. N‑yaayoonn na ki joo cha, u nan tuk binib tibɔr timina.’”

Lituln 17:24

Uwumbɔr nan naan dulnyaa wee, ni tiwan nimɔk bi ni ponn ni na. Uma le ye paacham ni taab Aadindaan. Waa bi liwaal aadiik ni.

Tibɔkpiirkaan 4:11

“Tidindaan Uwumbɔr, si le ŋeer ke ti pak si, ki nyuŋ si, ki ŋeer aa li kpa mpɔɔn; ba pu? si le naan tiwan mɔmɔk. Saageehn pu le aa nan naan tiwan mɔmɔk. Saageehn pu le ni mɔmɔk bi.”