Jeremia 32:15 - Uwumbɔr aagbaŋ

¹⁵ Uwumbɔr Mpɔɔnsakpiindaan, u ye Israel yaab Aawumbɔr na, bui ke bi ga nan ki daa ŋidichal, ni ikpaakon, ni ŋisubil aasar kitiŋ kee pu.”

Jeremia 32:15 ပူးပေါင်းရင်းမြစ်များ

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Jeremia 30:18

Uwumbɔr ki bui ke, “M ga giin ni maanib baatiŋ pu ki san lidichal mɔmɔk kinimbaak; Jerusalem ga ki gir maa, le kaanaan aadichal ki gir sil.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Jeremia 31:24

Binib ga li koo Juda ni kaatim mɔmɔk ni, le bikpaab ga li bi, le biwakojoob mu ni baawakor li bi.

Jeremia 31:5

Ni ga ki gir naan ŋisubil aasar Samaria aagongon pu, le binib bi naan ti na ga ji tisar ngbaan aah ga ŋa tijikaar ti na.

Jeremia 32:14

“Uwumbɔr Mpɔɔnsakpiindaan, u ye Israel yaab Aawumbɔr na, le bui si ke aa gaa tigbann tee, kigbaŋ ki kpab na, ni kigbaŋ ki kaa kpab na, ki di ti ŋa libuul ponn ni, aan ti li bi nima ki yunn.

Jeremia 32:25

Tɔ, Ndindaan Uwumbɔr, Babiloŋ yaab ban bi nyaŋ kitiŋ kimina, sin mu le bui ke m daa nkpaakon ngbaan biseeraadam aanimbil ni.”

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Esekiel 28:26

Bi ga li bi nima lifuur ni la. Bi ga maa ŋidichal ki ko ŋisubil aasar. M ga daa ŋitimbol ŋi nan lik bi fam na aatafal, le Israel aatiŋ ga kan nsuudoon. N‑yoonn ngbaan le bi ga bee ke min le ye Bidindaan Uwumbɔr.”

Sekaria 3:10

Nwiin ngbaan yaa nan fuu ni kan, ni mɔmɔk ga yin niŋeen aatɔtiib ke bi dan ki nan ji nsuudoon ni ŋŋmarm aamɔɔn, le ndaan aasubil aasar ni ŋisubil ŋiken ga mann goln nimi.” Uwumbɔr Mpɔɔnsakpiindaan le len kina.