Jeremia 31:9 - Uwumbɔr aagbaŋ

⁹ Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 31:9 ပူးပေါင်းရင်းမြစ်များ

1 Bibɔrb Aabɔr 29:10

Binib bi nan kuun ni na aanimbiin ni, le Ubɔr David nan pak Uwumbɔr. U nan bui ke, “Uwumbɔr, tiyaaja Jakob Aawumbɔr, kipak ye sin yaan le ki ti saa n‑yoonn mu kaa kpa ndoon na.

Ilahn 107:7

U nan di bi buen kitiŋ ki ponn ni bi ga ti li koo na.

Ilahn 23:2

U tii mi lifuur timosɔnn aah bi nin chee na, ki mɔk mi uyayak aanyun mu soon na chee.

Ilahn 89:27

M ga ŋa u njapɔpol, uma le ga li ye ubɔrkpaan u jer bibɔrb mɔmɔk na.

Nnyam 4:22

Aa ga bui u ke min Uwumbɔr len ke, ‘Israel yaab le ye maajan aabijabo.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 43:20

Hali tipeewanbir ga nyuŋ mi buyoonn m cha ŋimɔɔ puu nteer pu ke maanib bi m lee bi na kan nnyun ki nyu na, ikakal ni taataa tiib ga pak mi.

Aisaya 45:11

Uwumbɔr u ye Israel yaab Aadindaan u bi chain ki ŋani n‑yoonn mu laa choo na waah gee pu na bui ke: “Naa kpa nsan ke ni baa mi maabim aabɔr, bee ni tuk mi maah ga ŋa pu na.

Aisaya 57:14

Uwumbɔr ki len ke, “Cha maanib gir ni m chee. Chuu nyan tiwan nimɔk laŋ baasan na. Naan nsan ki gor mu siin man.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Aisaya 64:8

Uwumbɔr, sin le ye tite. Timi le ye tiyakr, le aa ye uyakmaal. Sin le naahn timi,

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Jeremia 3:4

“Le ni bui mi dandana wee ke, ‘Aa ye tite la, le taah nan ye mbim pu na, aa nan gee timi, ki beenin gee timi.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 50:4

Uwumbɔr nan bui ke, “N‑yoonn ngbaan yaa nan fuu ni kan, Israel ni Juda aanib mɔmɔk ga wii ban mi, Baawumbɔr.

Hosea 12:4

u ni Uwumbɔr aatuun nan mɔn le u nyaŋ mu. U nan wii ki mee ban tinyoor. Le Uwumbɔr dan tiyaaja Jakob chee Betel aatiŋ ni, ki nan len u chee tibɔr.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Nkahm 2:18

Liwilir wɔb, bi ye Efraim aanibol, ni ŋinibol ŋi kpee li pu na aanib bi kpaan ki kpa baatuutaa na, aah ga kal ŋigetek ŋigetek baasalolm chee pu na le paa na: Efraim aanibol aasaloln—Amihud aajapɔɔn Elisama—waajab nan ye ŋichur imonko ilee, ni ikui iŋmu Manase aanibol aasaloln—Pedasur aajapɔɔn Gamaliel—waajab nan ye ŋichur piitaa ni ŋilee, ni ikui ilee Benjaminn aanibol aasaloln—Gideoni aajapɔɔn Abidann—waajab nan ye ŋichur piitaa ni ŋiŋmu, ni ikui inaa Baah nan kpaan ki saa pu na sɔ: ŋichur nkub ni ŋiniin, ni nkub. Efraim aanibol, ni ŋinibol ŋi kpee li pu na, le ga paan taataa.

Matiu 3:3

Uwumbɔr aabɔnabr Aisaya nan len Jɔnn aabɔr ke, “Unii ubaa bi nteersakpiin ni ki tar ke: ‘Toor Uwumbɔr aasan man, ki ŋa waasan mu li tok ki tii u.’”

Matiu 5:4

Binib bi kpa mpombiin baatunwanbir pu na, Uwumbɔr aanyoor bi bi pu; u ga sɔŋ bisui.

Matiu 6:9

Ni yaa mee Uwumbɔr kan, bui ke, ‘Tite Uwumbɔr u bi paacham na, cha binib li san saayimbil.

Tibɔnyaan ti Luk ŋmee ti na 6:21

Nimi bi nkon joo nimi dandana na, Uwumbɔr aanyoor bi ni pu; ni ga nan ji ki bab. Nimi bi wii dandana na, Uwumbɔr aanyoor bi ni pu; ni ga nan laa.

Rom Yaab 8:26

Le Uwumbɔr Aafuur Nyaan ter timi, timi aadabur ni. Taa nyi taah ga mee u mbamɔm pu na, le Waafuur Nyaan mee u tii timi, ki du, ubaa aah kaa ŋmaa len pu na.

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Ikaal 14:1

“Ni ye Nidindaan Uwumbɔr aanib la. Nima pu na, nimi aanii yaa kpo kan, ni taa di kijuk gii niwon nibaa chee, ki mu taa kuu niyigbeer pu aayikpir lii, ke ŋinibol ŋiken aah ŋani pu na.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Hiibru Yaab 12:13

ki li beenin dii nsan mu tok na, aan binib bi joo beeni na taa yenn; bi mu li dii mbamɔm.

Hiibru Yaab 12:23

Ni fuu ni Uwumbɔr aabipolb bi aayimbil ŋmee paacham na aakuun chee la. Ni fuu ni Uwumbɔr u ye binib mɔmɔk aabɔjir na chee. Ni fuu ni bininyaam aawiin mu Uwumbɔr ŋa mu, mu ŋan ti doo na chee.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”