Jeremia 31:8 - Uwumbɔr aagbaŋ

⁸ M ga nyan ni bi ŋŋangan wɔb ki kuun bi nya ni kitiŋ aanaanmɔk. Bijoom ni biwɔb ga dii ni bi, bipudam ni bipiib bi ban bi maa na mu ga dii ni, bi ga gir ni ki li ye litimbol sakpeln.

Jeremia 31:8 ပူးပေါင်းရင်းမြစ်များ

Ilahn 107:3

ki nyan nimi ntiyayam ni ki giin ni nimi, nimi aatiŋ ni; u nyan ni nimi liwipuul ni liwilir wɔb, ki nyan ni nimi ŋŋangan ni ŋŋangii wɔb.

Ilahn 65:5

Saah tii timi linyaŋ li na le ye ke aa keei timi aayim, le ki tun lijinjiir aawan ki gaal timi lir. Dulnyaa wee mɔmɔk ni aanib, ni binib bi bi nnyusakpem aapuwɔb na tii si naadii.

Ilahn 98:3

U joo waah puu tipuur ti tii waanib Israel yaab na. Waa nya bipuwɔb, le ki kpa ngeehm tii bi n‑yoonn mɔmɔk. Binib bimɔk bi ni kookoo na kan timi Aawumbɔr aanyaŋ.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 43:6

M ga bui ŋŋangan wɔb yaab ke bi cha bi li cha, ki bui ŋŋangii wɔb yaab ke bi taa leŋ bi nsan. Cha maanib nya dandar aatim ni ki gir ni, bi nya ni dulnyaa wee aapepel mɔmɔk ni.

Aisaya 45:22

Nimi binib bi mɔmɔk bi dulnyaa wee ni na, fenn gir ni m chee dandana aan ki ŋmar man. Min baanja le ye Uwumbɔr u bi na.

Aisaya 52:10

Uwumbɔr ga di waapɔɔn mu bi chain na gaa waanib lii, le dulnyaa aanib mɔmɔk kan.

Jeremia 16:15

Bi ga li gur puur m pu, ke Uwumbɔr u bi, ki nyan ni Israel aanib ŋŋangan wɔb aatiŋ ni, ni ntim mu mɔmɔk ni m nan cha bi yaa ki ti bi mu ni na la. M ga giin ni bi baatiŋ pu, kitiŋ ki m nan di tii biyaajatiib na pu. Min Uwumbɔr le len kina.”

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 23:8

Bi ga li gur puur maayimbil pu ke, ‘Uwumbɔr u bi ki nyan ni Israel aanib ŋŋangan wɔb aatiŋ ni, ni ntim mu ponn ni m cha bi yaa ki bi mu ponn ni na la.’ Le bi ga li koo bima bibaa aatiŋ pu.”

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 3:18

Israel yaab ga buen ti kpee Juda yaab pu, le bi mɔmɔk ga nya tinaagbiir ni, ŋŋangan wɔb aatiŋ na ponn ni, ki gir ni kitiŋ ki m nan di tii niyaajatiib ke ki li ye biyaan na pu.”

Esekiel 20:34

M yaa nan kuun nimi ki nyan ni naah yaa ki bi ntim mu mɔmɔk ponn ni na kan, m ga mɔk nimi maapɔɔn ni maaŋuul aah bi pu na.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Esekiel 34:12

ke upihdaan aah joo waapiih i nan yaa aan u ki kuun ni i na pu na. M ga kuun i nya ni yaah nan yaa libiil aawinbɔbɔɔn ngbaan daal ki bi nin chee na.

Esekiel 34:13

M ga nyan ni i nwɔwɔtim ni, ki kuun ni i nan kpaan, ki giin ni i yaatiŋ pu. M ga di i giin buen Israel aajoo, ni ikpen chee, ki ga cha i ŋmɔ timoor mmoŋmɔpaan mu ŋan na ni.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Maika 4:6

Uwumbɔr bui ke, “N‑yoonn choo, le m ga kuun ni binib bi m daa bitafal, aan bi jin falaa tinaagbiir ni kitiyayaŋ ni na nan kpaan.

Sefania 3:19

N‑yoonn choo, le m ga daa binib bi muk nimi na aatafal; m ga gaa binib bi mɔmɔk ye biwɔb na lii, ki giin ni binib bi bi tinaagbiir ni kitiyayaŋ ni na linampal. M ga cha baanimɔɔn kpaln nnyuŋ, le dulnyaa mɔmɔk ga li pak bi.

Sekaria 2:6

Uwumbɔr nan bui waanib ke, “Min le nan cha ni yaa koo ŋipepel mɔmɔk ni. Tɔ, dandana wee, nimi binaagbiib, san nya Babiloŋ aatiŋ ni, ki gir ni Jerusalem aatiŋ ni man.”

Matiu 12:20

kaan koo lidabil li boon na, kaan junn karyaa u kaa wiin mbamɔm na. U ga kan linyaŋ, ki tii binib mɔmɔk baabamɔn.

Jɔnn 21:15

Baah jin tijikaar ngbaan doo na, le Yesu baa Simonn Piita, “Simonn, Jɔnn aajapɔɔn, aa gee mi ki jer tiwan nimina aa?” Le u bui u, “Ndindaan, een, aa nyi ke m gee si.” Le Yesu bui u, “Kpiin maapihbi,”

1 Korenti 8:10

Unii u kaa nyi Uwumbɔr aasan mbamɔm na yaa kan si, u kpa nnyim na, ji tijikaar ŋiwaa aadichal ni kan, u mu ga li kpa lipobil ki ŋmɔ kitork aanann, ki lir.

Ikaal 30:4

Hali ni yaa yaa buen dulnyaa aanaanmɔk kan, Nidindaan Uwumbɔr ga kuun ni nimi tɔb chee ki giin ni nimi,

1 Tesalonika 5:14

Tinaabitiib, ti gaŋ nimi, ke ni sur binib bi kaa ban bi tun lituln na, ki li pɔɔni binib bi aataakpab yɔl na aataakpab, ki ter binib bi kaa pɔɔ na, ki li kpa limɔr binib mɔmɔk pu.

Hiibru Yaab 12:12

Nima pu na, ni li yoor iŋaal i bak na man, ki li pɔɔni nitaakpab,

Hiibru Yaab 4:15

Utotoorninkpel ngbaan ga ŋmaa san timi kinimbaak timi aafalaa ponn ni. U kan ntɔŋ aabɔŋ aabɔŋ ke taah kan ntɔŋ mɔmɔk pu na. Uma le aa tun titunwanbir tibaa.