Jeremia 31:7 - Uwumbɔr aagbaŋ

⁷ Uwumbɔr ki bui ke, “Li gaa mpopiin aalahn Israel aatimbol li ye litimbol sakpeln ki jer ŋitimbol mɔmɔk na pu man. Gaa nimi aapak aalahn man, ‘Uwumbɔr gaa waanib lii a; u gaa binib bi mɔmɔk gur na lii a.’

Jeremia 31:7 ပူးပေါင်းရင်းမြစ်များ

Ilahn 106:47

Tidindaan Uwumbɔr, gaa timi lii, ki nyan ni timi ŋitimbol ngbaan ni ki giin ni, aan ti ga li kpa idoon ki pak saayimbil li bi chain na.

Ilahn 126:2

Ti nan laa, le ki gaa mpopiin aalahn. Le ŋitimbol ŋiken nan bui ke, “Uwumbɔr tun ŋitukpaan tii bi.”

Ilahn 14:7

Maameel le ye ke linyaŋ nya ni Sionn pu ki dan Israel yaab chee. Uwumbɔr yaa ki cha Israel yaab ki ŋa biwankpadam kan, ba aapopiin aan bi ga li kpa na.

Ilahn 28:9

Uwumbɔr, gaa saanib lii, ki ŋa saanyoor ŋa saah yeh binib bi na pu, ki li ye u kpaa bi ki lik bi pu n‑yoonn mɔmɔk na.

Ilahn 67:1

Uwumbɔr, san timi kinimbaak ki ŋa saanyoor ŋa ti pu,

Ilahn 69:35

U ga gaa Jerusalem lii ki gir maa Juda aatim. Waanib le ga li koo nima ki li yeh kitiŋ ngbaan;

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 37:31

Juda aanib bi ŋmar na ga pɔr ke isui i aasubon koo kitiŋ mbamɔm aan i lu ŋisubil sakpen na la.

Aisaya 37:4

Asiria aabɔrkpaan tun ni waaninkpiib aaninkpel ke u nan seei Uwumbɔr u bi, kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Aisaya 52:8

Binib bi kii kitisakpeŋ ngbaan na bi tar, baah kpa mpopiin pu na, le bi kpaan ki tar. Binimbil waa Uwumbɔr aah ki gir choo Sionn pu na.

Aisaya 61:9

Maanib ga li kpa liyimbisakpeln ŋitimbol mɔmɔk ni; unii umɔk kan bi na ga bee ke bi ye binib bi m ŋa tinyoor ŋa bi pu na la.”

Jeremia 20:13

Gaa ilahn tii Uwumbɔr man. Pak Uwumbɔr man. U gaal bigiim titunwanbirdam chee lir.

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 3:23

Taah dooni ŋiwaa ŋigongon paab pu na aa kpa timi nterm mubaa. Timi Israel yaab aaterm nyani Tidindaan Uwumbɔr baanja chee la.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Inandalahn 1:1

Jerusalem, kitiŋ ki nan gbii binib na gur ŋmin chii la. Dulnyaa mɔmɔk aanib nan pak kima la, le ki gur naahn ukpopii; kitiŋ ki nan kpa liyimbikpaan na aanib kpaln binaagbiib.

Esekiel 6:8

“M ga cha bi nya linikul ngbaan ni ki yaa koo ŋitimbol ŋiken ni,

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Joel 2:32

Liyaadaal ngbaan unii umɔk mee Uwumbɔr na, uma le ga ŋmar ke Uwumbɔr aah len pu na ke, ‘Bibaa bi Jerusalem aatiŋ ni ki ga ŋmar; bima le ye binib bi m lee bi ke bi ga ŋmar na.’”

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Maika 2:12

“Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Rom Yaab 11:5

Ni bi kina le dandana wee. Israel yaab ponn ni, binib siib baanja le ŋmar. Uwumbɔr lee bi waanimbaasaln pu.

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

Ikaal 28:13

Nidindaan Uwumbɔr ga cha ni li ye ŋinibol ŋiken aasaloln, le ŋima aan ŋmaa loln ni pu nsan. Ni yaa joo ikaal imɔk m joo tuk nimi din wee na kan, naan lann nibaa, ni ga li kani tinyoor n‑yoonn mɔmɔk.

Ikaal 32:43

Ŋitimbol mɔmɔk, ni li pak Uwumbɔr aanib, u dar binib bi ku waanib na aatafal. U ga di cha pinn waanib baatunwanbir, le ki daa waadim aatafal ki teen bi.”