Jeremia 31:6 - Uwumbɔr aagbaŋ

⁶ Mbamɔn, n‑yoonn choo, le bikikiib ga sil Efraim aagongon paab ki bui ke, ‘Cha ti jon buen Sionn aajool, Tidindaan Uwumbɔr chee man.’”

Jeremia 31:6 ပူးပေါင်းရင်းမြစ်များ

2 Bibɔrb Aabɔr 13:4

Bijab ngbaan nan ti kan tɔb Efraim aajoo aatiŋ na ni la. Ubɔr Abija nan jon Semarayim Aajool paab le ki teen bui Jeroboam ni Israel yaab ke, “Li pel man.

Esra 1:5

Le Juda aamaal yaab, ni Benjaminn aamaal yaab aayidam, ni bitotoorb, ni Liifai yaab, ni unii umɔk Uwumbɔr koo usui ni na, gor ke bi ti gir maa Uwumbɔr Aadichal, Jerusalem ponn ni.

Ilahn 84:5

Binib bi aapɔɔn nyan ni aa chee na kpa mpopiin, le bi neen ke bi chuun buen Sionn Aajool paab.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 62:6

Sin Jerusalem, saagon paab le m ga kaan bikikiib; bi taa li ŋmin nwiin pu ni kinyeek mu. Bi li teer Uwumbɔr tipuur ti u puu na, ki taa cha u suln ti.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Jeremia 50:19

M ga giin Israel aanib baatiŋ pu. Bi ga ji tijikaar ti bi bun Kamel Aajool pu, ni Basann aapepel ni na, le ki ga ji tijikaar ti mɔmɔk bi ban na, Efraim ni Gilead aapepel ni.

Jeremia 6:17

Le Uwumbɔr ban bikikiib ke bi li pel n‑yoonn mu ukpiin ga nan wii na. Le bi mu bui ke, “Taan pel.”

Esekiel 3:17

U nan len ke, “Unibɔn, m di si ŋa Israel aatimbol aakikiir la. Aa di nsakm mu m di tii si na nabr bi.

Esekiel 33:2

“Unibɔn, bui saanib maah joo ni butɔb kitiŋ pu kan, tiwan ni ŋani na. Litingbaln ngbaan aanib nyan ni bi ponn ni ubaa le u ye ukikiir.

Hosea 1:11

Juda aanib ni Israel aanib ga ki gir kpaan kimɔbaan. Bi ga kpaan le ki ban usaloln ubaa, le bi ga ki pɔr ki kan nkam baatiŋ ni. Een, Jesreel aawiin daal ga li ye nwinkpaan la.

Hosea 9:8

Uwumbɔr tun ni mi ke ubɔnabr na, ke m nan sak waanib Israel yaab. Le m yaa buen nimɔk na kan, ni pɔɔni nibaa ke ni chuu mi ke unyoon na. Uwumbɔr Aadichal ni aanib aadin le ye uma Uwumbɔr aabɔnabr.