Jeremia 31:40 - Uwumbɔr aagbaŋ

⁴⁰ Kifataŋ ki ponn ni bi sui binib ki joo timoor ti kpir na mɔmɔk, ni ikpaakon i bi Kidronn aabun aapaacham na, ki ti saa mbisamɔb mu bi yin mu ke Utaan Aabisamɔb, aan mu bi liwipuul wɔb na, ga li bi chain tii mi la. Ubaa aan ki tur kitiŋ ngbaan lii, kaan ki ber ki daalbaadaal.”

Jeremia 31:40 ပူးပေါင်းရင်းမြစ်များ

2 Samuel 15:23

David ni waadidiliib aah nan siir na, le kitiŋ ngbaan aanib mɔmɔk nan wii mpɔɔn pu. Ubɔr David nan ti puur Kidronn aabunbik na, le waajab dii u, le bi mɔmɔk di toŋ nteersakpiin ni.

2 Bibɔrb 11:16

Bi nan tɔk u kaakaan la, le ki di u buen libɔrdichal ni, ki ti ku u mbisamɔb mu bi yin mu ke, “Utaan Aabisamɔb” na chee.

2 Bibɔrb 23:12

Ubɔr Josia nan ber ŋiwaa aatork aabimbin ŋi Juda yaab aabɔrb nan maa tɔŋ Ubɔr Ahas aadir paab libɔrdichal aapaacham na mɔmɔk, le ki ber Ubɔr Manase mu aah nan maa ŋiwaa aatork aabimbin ŋi Uwumbɔr Aadichal aachin ŋilee na ponn ni na; u nan gbaa wɔi ŋiwaabimbin ngbaan le ki di ŋi mee Kidronn aafataŋ ni.

2 Bibɔrb 23:6

U nan nyan liwaapii Asera aanaŋ Uwumbɔr Aadichal ni, le ki di buen Kidronn aafataŋ ni, le ki ti di li see mmii ni, le ki san laafatan ti kpaln kitangbaak, le ki di kitangbaak ngbaan yaa yaa binib mɔmɔk aacheek ni.

2 Bibɔrb Aabɔr 23:15

Bi nan tɔk u kaakaan la, le ki di u buen libɔrdichal chee, ki ti ku u mbisamɔb mu bi yin mu ke Utaan Aabisamɔb na chee.

Nehemia 3:28

Bitotoorb bibaa mu le nan maa ligeln li paa na, ki di toŋ ŋŋangan aasikakl wɔb, mbisamɔb mu bi yin mu ke Utaan Aabisamɔb na chee, bi mɔmɔk nan maa nin chee duun baadichal na la.

Ilahn 48:9

Uwumbɔr, Saadichal ponn ni le ti dakl saageehm mu bi n‑yoonn mɔmɔk na pu.

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Jeremia 1:10

Din wee, m tii si mpɔɔn ŋitimbol ni nnaan pu ke aa ber, ki tur ŋi lii, ki nyaŋ ki kuln ŋi, ki ki maa ki siin ŋi.”

Jeremia 18:7

N‑yoonn mumɔk m bui ke m ban m ŋɔb, ki gbaa wiil, bee m bii litimbol, bee nnaan,

Jeremia 32:36

Uwumbɔr u ye Israel yaab Aawumbɔr na nan bui mi ke, “Jeremia, binib ngbaan bi len ke butɔb, ni nkon, ni iween le ga cha Babiloŋ aabɔr nyaŋ kitiŋ kimina. Tɔ, li pel maah ki kpa pu m len kpee na.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Esekiel 37:2

U nan di mi mann kifataŋ ngbaan ki ti ton, le m kan ke ikpab pam nan dɔ nima ki kuun wɔk wɔk.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Esekiel 39:29

M ga di Maafuur Nyaan gbiin Israel aanib, kaan ki fenn mpuwɔb tii bi. Min Bidindaan Uwumbɔr le len kina.”

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Sekaria 14:11

Binib ga li koo nima ni nsuudoon la. Ubaa aan ki di libiil aabɔr faan bi.

Sekaria 14:20

N‑yoonn ngbaan kan, hali ŋibɔlun ŋi lee itaan aatangar pu na ga li kpa ŋŋmeen ke “Uwumbɔr Yaan.” Uwumbɔr Aadichal ni aakumbuu ga li bi chain ke ŋisambil ŋi si kitork aabimbiln taab na la.

Jɔnn 18:1

Yesu aah len kina ki ti doo na, le u ni waadidiliib puur nkpen mu bi yin mu ke Kidronn na. Isui i lu ŋisubil jikee na aasaak kibaa bi nima chee. Le bi koo kisaak ngbaan ni.