Jeremia 31:38 - Uwumbɔr aagbaŋ

³⁸ Uwumbɔr ki len ke, “N‑yoonn choo, le bi ga ki gir maa Jerusalem pel pel ke maatiŋ, ki nya Hananel aadifɔfɔk ki bi mbisamɔb mu bi yin mu ke Kilɔlɔŋ ni Aabisamɔb na aawilir wɔb na.

Jeremia 31:38 ပူးပေါင်းရင်းမြစ်များ

2 Bibɔrb 14:13

Jehoas nan chuu Amasia tinaagbiir, le ki nyan nima ki ti tak Jerusalem aatiŋ, ki tur kaagon ki nyan Efraim Aabisamɔb mɔk ki ti saa Kilɔlɔŋ ni Aabisamɔb chee lii kitiŋ. Naafɔfɔk kitiŋ ga nan li pii ŋitaa ikui iloob.

2 Bibɔrb Aabɔr 26:9

Usia nan maa bikikiib aadir ti fɔk na Jerusalem ni, le ki moo tii ki mpɔɔn. U nan maa ti Kilɔlɔŋ ni Aabisamɔb chee, ni Kifataŋ Aabisamɔb chee, ni ligoln ngbaan aah ti fenn nin chee na la.

Nehemia 2:17

Le m nin bui bi ke, “Jerusalem aah bii doo pu na, ni mɔmɔk kan taah bi tibɔr ti ponn ni na. Cha man ti ki gir maa kitiŋ ngbaan aagon man, aan timi aanimɔɔn yee doo.”

Nehemia 3:1

Kina le bi nan ki gir maa Jerusalem aagoln: Eliasib u ye utotoorninkpel na, ni bitotoorb biken le nan maa mbisamɔb mu bi yin mu ke Ipiih Aabisamɔb na, ki di mu tii Uwumbɔr, ki di mu aajaaleŋ laŋ. Bi nan di ligoln ngbaan mu ki nyan mbisamɔb ngbaan chee ki ti saa bikikiib aadifɔfɔk ki bi yin ki ke Nkub Aadifɔfɔk na, ni ki mu bi yin ki ke Hananel Aadifɔfɔk na mu tii Uwumbɔr.

Ilahn 102:17

U ga ŋun waah yii waanib bi na pu ki pel baameel.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Jeremia 23:5

Uwumbɔr ki bui ke, “N‑yoonn choo le m ga nyan Ubɔr David aayaabitiib ponn ni ubɔr u aabimbin ŋan na. Ubɔr ngbaan ga di nlan le joo waanib ki li ŋani tiwan ni ŋan ki tok na kitiŋ ngbaan pu.

Jeremia 30:18

Uwumbɔr ki bui ke, “M ga giin ni maanib baatiŋ pu ki san lidichal mɔmɔk kinimbaak; Jerusalem ga ki gir maa, le kaanaan aadichal ki gir sil.

Jeremia 31:27

“Min Uwumbɔr len ke n‑yoonn choo, le m ga cha Israel ni Juda aatiŋ gbiin binib ni tiwakor.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 33:7

M ga cha Juda ni Israel yaab kan nkam, m ga ki gir siin bi ke baah nan bi pu na.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.

Sekaria 2:6

Uwumbɔr nan bui waanib ke, “Min le nan cha ni yaa koo ŋipepel mɔmɔk ni. Tɔ, dandana wee, nimi binaagbiib, san nya Babiloŋ aatiŋ ni, ki gir ni Jerusalem aatiŋ ni man.”