Jeremia 31:34 - Uwumbɔr aagbaŋ

³⁴ Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Jeremia 31:34 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Ilahn 25:7

Di maabiyar ponn ni aatunwanbir ni taani cha pinn mi. Uwumbɔr, saah kpa ngeehm ni tiŋann n‑yoonn mɔmɔk pu na, teer mbɔr.

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 29:24

Bijɔrb ga bae nlan ki bee baah ga dii nsan mu na, le binib bi ŋulni n‑yoonn mɔmɔk na ga li gur kpa mpopiin ki gaa nsurm.”

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 33:24

Timi aatiŋ ni aanii ubaa aan ki bui ke u bun, le Uwumbɔr ga di timi aatunwanbir mɔmɔk cha pinn timi.

Aisaya 33:6

le nibaa aan ki ŋmaa dam litimbol ngbaan. U kii waanib n‑yoonn mɔmɔk le ki tii bi nlan ni mbaem. Baawangol li bi gee sakpen na le ye ke bi li pak Uwumbɔr.

Aisaya 38:17

Nsui aah bii pu na ga kpaln nsuudoon la. Aa nyan mi tibɔbir mɔmɔk ni; aa di maatunwanbir cha pinn mi a.

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 52:6

N‑yoonn choo le ni ga bee ke m sil ye Uwumbɔr ki bui nimi tibɔr tee.”

Aisaya 54:13

Min mbaa le ga mɔk saanib maasan, ki tii bi liwangol ni nsuudoon.

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Jeremia 33:8

M ga finn nyan bi titunwanbir ti bi tun mi na ni, le ki di baatunwanbir, ni baah yii maamɔb pu na cha pinn bi.

Jeremia 50:20

N‑yoonn ngbaan yaa nan fuu ni kan, titunwanbir tibaa aan ki li bi Israel ni, le mbiin mu aan ki li bi Juda ni, ba pu? m ga di cha pinn binib bi m cha bi ŋmar na. Min Uwumbɔr le len kina.”

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Hosea 2:20

M ga li joo maah puu tipuur ti na ki cha aa li ye min yoo, ki cha aa bee ke min le ye Uwumbɔr.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Maika 7:19

Aa ga ki san timi kinimbaak lelee. Aa ga taa taa timi aatunwanbir ŋmal titan ni, ki di ti buen nnyusakpem aataab.

Habakuk 2:14

Nnyun aah bi ni kookoo nnyusakpem ponn ni pu na, kina le binib ga li nyi Uwumbɔr aah kpa mpɔɔn sakpen pu na dulnyaa wee mɔmɔk ni.

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Tibɔnyaan ti Luk ŋmee ti na 1:77

ki tuk waanib ke u ga di cha baatunwanbir pinn bi, ki gaa bi lii;

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Jɔnn 17:6

“M mɔk bijab bimina saah bi pu na. Aa nyan bi dulnyaa ni aanib ponn ni ki di tii mi la. Bi nan ye saanib la, le aa di bi tii mi, le bi joo saaliin.

Jɔnn 6:45

Uwumbɔr aabɔnabtiib nan ŋmee ke Uwumbɔr ga mɔk bi mɔmɔk waasan. Unii umɔk ŋun Nte Uwumbɔr aah len pu na, ki bae waakaal na, u ga dan m chee.

Lituln 10:43

N‑yaayoonn na, Uwumbɔr aabɔnabtiib mɔmɔk nan len Yesu aabɔr, ke unii umɔk gaa u ki kii na, Uwumbɔr ga di cha pinn u, uma Yesu aayimbil pu.”

2 Korenti 2:10

Ni yaa di cha pinn unii kan, m mu ga di cha pinn u. Maah di cha pinn u pu na, ni pu le m di cha pinn u, ki si Kristo aasisiiyaan.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

1 Tesalonika 4:9

Uwumbɔr mɔk nimi naah ga li gee tɔb pu na. Nima pu na, naa ki ban ke m ŋmee kigbaŋ ki tuk nimi naah ga li gee ninaabitiib pu na.

Hiibru Yaab 5:12

Naah dii Uwumbɔr ni yunn pu na, ni ba ga mɔk binib biken waasan. Le ni ban ke unii ki mɔk nimi Uwumbɔr aamɔkm mu diin na. Ni naahn binib bi ban nnaabiin kaa ban tijikaar bamɔnn na la.

Hiibru Yaab 8:11

Bi ponn ni ubaa aan ki bui uŋeen aatɔ ke, ‘Bee Uwumbɔr.’ Ubaa mu aan ki bui una aabo ke, ‘Bee Uwumbɔr.’ Ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi.

Hiibru Yaab 8:12

M ga di cha pinn baatunwanbir, kaan ki teer baataani.”

1 Jɔnn 2:20

Nimi kan, Yesu u ye chain na tii nimi Waafuur Nyaan. Waafuur Nyaan aah bi nisui ni na, nima le ni mɔmɔk nyi tibɔr ti ye mbamɔn na.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

1 Samuel 2:12

Eli aajapɔtiib nan ye bibiindam la. Bitafal aa nan bi Uwumbɔr ni,