Jeremia 31:32 - Uwumbɔr aagbaŋ

³² Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Jeremia 31:32 ပူးပေါင်းရင်းမြစ်များ

1 Bibɔrb 8:9

Moses aah nan di ŋitakpapapan ŋi ŋa u ponn ni, Sainai Aajool chee na baanja le bi Uwumbɔr Aakaal Aadakaa ngbaan ni, nibaa aa nan ki bi u ni ki kpee ŋi pu. Israel yaab aah nan nyan ni Ijipt aatiŋ ni, aan Uwumbɔr puu tipuur tii bi na, le Moses nan di ŋi ŋa u ponn ni.

Ilahn 73:23

Tɔ, m mu nan beenin bi gbɔk si, le aa di aaŋaal chuu mi.

Ilahn 78:37

Baa nan dii waah len pu na; baa nan joo baah nan puu tipuur ti tii u na.

Nnyam 19:5

Dandana wee, ni yaa ga kii maaliin aan ki joo maah puu tipuur ti na kan, ni ga li ye maanib. Min le yeh dulnyaa wee mɔmɔk, nimi le ga li ye bininyaam

Nnyam 32:8

Maah mɔk bi ke bi li dii mi pu na, bi di lii a, le ki donn salmaa ŋa unaajabo ki dooni u, ki toor kitork tii u, le ki len ke baawaal sɔ, uma le nyan ni bi Ijipt aatiŋ ni.

Solomonn Aalahn 8:5

Ŋma ye aan u ni ubɔɔn lɔk tɔb kina, ki nyan ni nteersakpiin ni ki choo ngbaan? Nin chee bi nan ma si linyɔkl aasub taab na, le m nan finn si.

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Aisaya 41:13

Min le ye Nidindaan Uwumbɔr; M pɔɔk nitaakpab ki bui ke, ‘Taa san ijawaan man; m ga ter nimi.’”

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Jeremia 11:3

ke min, Israel yaab Aadindaan Uwumbɔr le puun lii unii umɔk aa kii tipuur ngbaan aah len pu na pu.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 22:9

Le bi ga gar ke ni bii nimi ni nimi Aawumbɔr aamɔbaan, ki dooni ŋiwaa ki tun tii ŋi na le cha u ŋa kina.”

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Jeremia 34:13

u ye Israel yaab Aawumbɔr na, bui mi ke m tuk binib ngbaan ke: “Maah nan gaa niyaajatiib Ijipt yaab chee lii na, m nan puu tipuur tii bi.

Jeremia 34:14

M bui bi ke libilolole mɔk ni kan, bi di baanaagbiib bi ye Israel yaab ki tun ŋibin ŋiloob tii bi na lii. Le niyaajatiib aa nan ŋun tii mi, kaa nan pel maah len pu na.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Esekiel 20:37

“M ga chuu nimi ŋa ŋŋaal ni ki cha ni kii tii taah nan puu tipuur tii tɔb pu na.

Esekiel 23:4

Bi nan yin upol na ke Ohola, uma le nan si Samaria aatiŋ aasisii, le ki yin uwaatiir na ke Oholiba, u mu le nan si Jerusalem aasisii. M nan yoor bimɔk bilee, le bi ma mbim tii mi.

Hosea 11:1

Uwumbɔr len ke, “Israel aah nan laa ye ubo pu na, m nan gee u, le ki nan yin u nyan ni Ijipt aatiŋ ni ke maabo na.

Hosea 2:2

Maabim, nina aa ki ye mpuu, le u mu aachal aa ki ye mi, tɔ, ni mu tee gaŋ u man. Gaŋ u ke u di cha kidagook.

Hosea 3:1

Le Uwumbɔr nan bui mi ke, “Gir ki ti di ngeehm tii upii u bi ubɔɔn chee na. Aa li gee u ke maah gee Israel aanib pu na, aa mu tee lik kan, bi di bibaa tii ŋiwaa le ki gee ke bi li joo ŋisubil ŋi kuur na tii ŋiwaa ipiin.”

Liifai Yaab 26:15

Ni yaa yii, kaa dii maakaal, ni maah len pu na, ki bii tipuur ti m puu tii nimi na kan,

Tibɔnyaan ti Mak ŋmee ti na 8:23

Le Yesu chuu uŋaal, ki dar u ki di nyan kitiŋ ngbaan ni, le ki ti tii timɔɔtan ŋa ujoon ngbaan aanimbil ni, ki di uŋaal paan u pu, ki baa u, “Aa waa aa?”

Jɔnn 3:29

Usapɔɔn yaa kun uchal do kan, uchal le yeh u. Le uchal aajɔ u si u chee ki ŋun waaneel na kpa mpopiin pam. Nima le cha m mu kpa mpopiin mbamɔm.

Lituln 23:19

Le upol ngbaan chuu uŋaal ki dar u buen n‑gbaan, ki ti baa u, “Aa ban aa tuk mi bayaar?”

2 Korenti 11:2

M gee nimi sakpen ke Uwumbɔr aah gee nimi pu na. Ni bi ke usapɔɔn u kaa nyi uja na aah bi pu na, le m ban m di nimi tii Kristo, ni li dii uma baanja.

Ikaal 1:31

Ni kan waah joo ni nimi laafee ni, ki nan saa do chee na, ke ubo aate aah joo u pu na.’

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 29:21

Uwumbɔr aah ga ŋa u pu na ga li ye limɔkl, ke Israel yaab aanibol mɔmɔk kan, le tibɔbir timɔk bi tipuur ti ŋmee ki bi Uwumbɔr Aagbaŋ ponn ni na, lir u pu.

Ikaal 29:24

Le dulnyaa aanib mɔmɔk ga baa ke, ‘Ba ŋa Uwumbɔr ŋa baatiŋ ngbaan kina? Ba ŋa waaŋuul nan fii bi pu sakpen aan u ŋa bi kina?’

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 5:2

Sainai Aajool pu le Tidindaan Uwumbɔr nan puu tipuur tii titetiib,

Ikaal 5:3

ni mu aa nan ye titetiib baanja le u nan puu tii, tipuur ngbaan ye timi bi laa beenin bi din wee na mu yaan la.

Hiibru Yaab 8:9

Tipuur ngbaan aan li bi ke tipuur ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. Baa nan joo tipuur ngbaan, nima le maa nan ki gar bi. Min Uwumbɔr le len kina.