Jeremia 31:23 - Uwumbɔr aagbaŋ

²³ Uwumbɔr Mpɔɔnsakpiindaan, u ye Israel yaab Aawumbɔr na bui ke, “M yaa ki giin binib ngbaan kaan baatiŋ pu kan, bi ga ki len Juda ni kaatim ni ke, ‘Uwumbɔr ŋa waanyoor ŋa Jerusalem aagongoln li bi chain, aan u koo nima chee na pu.’

Jeremia 31:23 ပူးပေါင်းရင်းမြစ်များ

Ilahn 128:5

Uwumbɔr u bi Sionn ni na, ŋa waanyoor ŋa aa pu. Uwumbɔr cha Jerusalem aatiŋ kan liwangol saamɔfal aayoonn.

Ilahn 129:8

Ubaa aan jer bi chee ki bui ke, “Uwumbɔr ŋa waanyoor ŋa ni pu;” kaan bui ke, “Ti mee tinyoor Uwumbɔr aayimbil pu ŋa ni pu.”

Ilahn 134:3

Uwumbɔr u naan paacham ni taab, ki bi Sionn pu na, ŋa waanyoor ŋa ni pu.

Ilahn 28:9

Uwumbɔr, gaa saanib lii, ki ŋa saanyoor ŋa saah yeh binib bi na pu, ki li ye u kpaa bi ki lik bi pu n‑yoonn mɔmɔk na.

Aisaya 1:21

Kitiŋ ki nan bi chain kaa kpa tijɔŋ tibaa na le gur tun ke upiidagoor na. N‑yoonn mubaa bininyaam ŋmeen le nan gbii ki ni, le dandana ma binikurb le gur bi ki ni.

Aisaya 1:26

M ga tii nimi biyidam bi ga li sur nimi ke naah nan puen kpa pu na. N‑yoonn ngbaan le bi ga ki yin Jerusalem aanib ke binib bi ŋan ki dii mi Uwumbɔr baanja na.”

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 32:16

Le ibamɔn ni mbimbinyaan ga gbiin kitiŋ ngbaan ni;

Aisaya 33:5

Uwumbɔr aapɔɔn nyaŋ a. Uma le joo tiwan mɔmɔk. U ga cha binib li kpa mbimbinyaan ki tii tɔb baabamɔn, Jerusalem aatiŋ ni,

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 30:18

Uwumbɔr ki bui ke, “M ga giin ni maanib baatiŋ pu ki san lidichal mɔmɔk kinimbaak; Jerusalem ga ki gir maa, le kaanaan aadichal ki gir sil.

Jeremia 32:44

Binib ga daa i, le bi nyii biŋaal tigbann pu, ki kpab ti, biseeraadam mu ga li bi. Nimina ga ŋa kina Benjaminn aapepel ni, ni ntimbim mu bi gbɔk Jerusalem na, ni Juda aatim ni, ni ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb. M ga giin binib ngbaan baatiŋ pu. Min Uwumbɔr le len kina.”

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Obadia 1:17

“Sionn aajool na pu le binib bibaa ga ŋmar, le lijool ngbaan pu ga kpaln miyaan. Jakob aayaabitiib ga gaa baatiŋ ki ye baatiŋ ibamɔn ni na.

Maika 4:1

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga chaar ŋigongon mɔmɔk pu. Le ŋitimbol pam ga dan li chee;

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Ruf Aagbaŋ 2:4

Puwɔb le Boas ubaa nan nyan Betlehem ki fuu ni, ki nan doon bidicheeb ngbaan. U nan doon bi ke, “Uwumbɔr bi ni chee.” Le bi kii u ke, “Uwumbɔr ŋa waanyoor ŋa aa pu.”