Jeremia 31:20 - Uwumbɔr aagbaŋ

²⁰ Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 31:20 ပူးပေါင်းရင်းမြစ်များ

Mpiin 43:30

Josef aah yaar kan unaal na, le naah ŋa usui ponn ni pu na cha u koo waadiik ni ti wii.

1 Bibɔrb 3:26

Ubodaan aasui aah nan gee waabo sakpen pu na, le u bui ubɔr ke, “Mpɔɔndaan, m gaŋ si, taa ku ubo ngbaan. Di u tii u.” Le uken na ma bui ke, “Taa di u tii ti ponn ni ubaa; cha bi gaa gii u nfum mulee.”

Ilahn 103:13

Ubo aate aah gee u sakpen pu na, kina le Uwumbɔr gee binib bi san u na.

Ŋiyataŋak 3:12

Uwumbɔr sur binib bi u gee bi na, ke te aah sur waabo u u kpa u pu limakl na pu na la.

Solomonn Aalahn 5:4

Mbɔɔn nan di uŋaal meeh jaaleŋ, le ni ŋa mi ke waah duun ni mi le na.

Aisaya 16:11

M ker idun ni mpombiin, Moab ni Kir Heres aatim aanib pu.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Jeremia 48:36

“Kina pu le m wii Moab, ni Kir Heres aanib pu, ke unii u joo kulufeeŋ gaa ikpolahn na, ba pu? bi lann baawangol mɔmɔk a.

Inandalahn 3:22

Uwumbɔr aageehm ni linimbaasaln li kaa door na beenin bi.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Liifai Yaab 26:44

Tɔ, hali bi yaa beenin bi baadim aatiŋ ni kan, maan yii bi, kaan bii bi kookoo, kaan bii tipuur ti m nan puu tii bi na, ba pu? m ye Bidindaan Uwumbɔr.

Tibɔnyaan ti Luk ŋmee ti na 15:24

M nan nyi ke njapɔɔn umina kpo a, le u bi. U nan wɔŋ a, le m ki kan u.’ Le bi piin ki bi mɔɔni.

Tibɔnyaan ti Luk ŋmee ti na 15:32

Aanaal umina, m nan nyi ke u kpo a, le u bi. U nan wɔŋ a, le m ki kan u. Nima le ni ŋan ke ti li mɔɔni ki li kpa mpopiin.’”

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.

Filipi 1:8

Uwumbɔr nyi ke nnimbil man ke m ki kan nimi; ba pu? m gee nimi, Kristo aah tii mi ngeehm pu na.

Bibɔjirb 10:16

Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.