Jeremia 31:18 - Uwumbɔr aagbaŋ

¹⁸ M ŋun Israel aanib aasui aah bii aan bi len pu na ke, Uwumbɔr, ti nan bi ke kiwakork ki bi timoor ni na la; le aa nan mɔk timi taah ga kii tii si pu na. Giin ni timi; ti gor ke ti gir ni sin Tidindaan Uwumbɔr chee.

Jeremia 31:18 ပူးပေါင်းရင်းမြစ်များ

Job Aagbaŋ 5:17

Uwumbɔr aah sur unii u na kpa mpopiin. U yaa kae si kan, taa bui ke utafal aa bi aa ni la.

Ilahn 118:18

U daa ntafal sakpen a; u mu aa tee cha m kpo.

Ilahn 119:67

Waahr aan aa nin daa ntafal na, m nan tun taani; tɔ, dandana ma kan, m kii saamɔb.

Ilahn 119:75

Uwumbɔr, m nyi ke saakaal ŋan, ki nyi ke saabamɔn pu le aa daa ntafal.

Ilahn 31:15

N‑yoonn mɔmɔk m bi aaŋaal ni la; nyan mi maadim aaŋaal ni, nyan mi binib bi ban bi ku mi na aaŋaal ni.

Ilahn 32:9

Taa li kpa kijɔrk ke utaan bee ubon u bi ga di itangar ni iŋmin ŋa umɔb ni ke u dii nsan.”

Ilahn 80:19

Tidindaan Uwumbɔr, Mpɔɔnsakpiindaan, giin ni timi aabaa chee. San timi kinimbaak, aan ti ŋmar.

Ilahn 80:3

Uwumbɔr, giin ni timi aabaa chee. San timi kinimbaak, aan ti ŋmar.

Ilahn 80:7

Uwumbɔr Mpɔɔnsakpiindaan, giin ni timi aabaa chee. San timi kinimbaak, aan ti ŋmar.

Ilahn 85:4

Uwumbɔr u gaal timi lir na, giin ni timi aabaa chee, ki cha aasui li piin ti pu.

Ilahn 94:12

Uwumbɔr, saah bae unii u ki joo saakaal mɔk u na kpa mpopiin.

Ŋiyataŋak 26:3

Aa ga loe utaan linaalab, ki di itangar kpom ubon, le ki ga gbaa ujɔr mu.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ŋiyataŋak 3:11

Maabo, Uwumbɔr yaa sak si kan, ŋun mbamɔm, ki kii ke nsurm ngbaan ye mbamɔn la.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Aisaya 53:7

Bi nan ŋa u mbiin pam, le u gaa ni mɔmɔk suuna; waa nan waar umɔb ki len tibaa. U nan ŋmin ke baah ban bi kɔr upihbo kan, u ŋmin pu na la, ki naahn ke baah ban bi chee upiih aakokor kan, u ŋmin pu na, waa nan waar umɔb ki len tibaa.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Jeremia 17:14

Uwumbɔr, tii mi laafee aan m pɔɔk kookoo; gaa mi lii aan m kan limɔfal. Sin le m pak.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 31:6

Mbamɔn, n‑yoonn choo, le bikikiib ga sil Efraim aagongon paab ki bui ke, ‘Cha ti jon buen Sionn aajool, Tidindaan Uwumbɔr chee man.’”

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Inandalahn 5:21

Uwumbɔr, giin ni timi aabaa chee. Giin ni timi. Taah nan kpa kipak ki n‑yaajayoonn na, giin ki tii timi.

Esekiel 20:43

N‑yoonn ngbaan le ni ga teer naah nan dii pu ki ŋani tiwan ni tii nibaa tijɔŋ na bɔr. Le niponn ni ga li sukr nibaa pu, naah nan tun titunwanbir ti mɔmɔk na pu.

Daniel 9:13

Aa nan tii timi ntafadaan mumɔk nan ŋmee dɔ Moses aakaal ponn ni na. Tidindaan Uwumbɔr, hali nima ngbaan aa cha ti mee si ki aa san timi kinimbaak, bee ti yii timi aatunwanbir ki fenn dii saasan mu ye ibamɔn na.

Hosea 10:11

“Israel nan bi n‑yoonn mubaa ke unaasal u bi bae tiwan mbamɔm na la, le ki gor kii ke u poi idi. Le m nan di ndɔ puin usil mu ŋan na pu, le ki di iŋmin pui u ke u tun lituln li pɔɔ jer kina na. M cha Juda dar ŋikujal, le ki cha Israel dar nkucham.

Hosea 4:16

Israel aanib aatafal pɔɔ ke uŋoob na la. Maan kpiin bi mmoŋmɔpaan ni ke ipihbi na.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Jona 3:10

Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.

Sefania 3:2

Ki yii, kaa ŋun tii Uwumbɔr, kaa kii waasurm, kaa kii tii u, kaa ban u chee nterm.

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

Malakai 4:6

U ga nan cha tetiib ni baabim ki kpaan; naa ye kina kan, m ga dan ki nan kuln nimi aatiŋ.”

Nkahm 2:18

Liwilir wɔb, bi ye Efraim aanibol, ni ŋinibol ŋi kpee li pu na aanib bi kpaan ki kpa baatuutaa na, aah ga kal ŋigetek ŋigetek baasalolm chee pu na le paa na: Efraim aanibol aasaloln—Amihud aajapɔɔn Elisama—waajab nan ye ŋichur imonko ilee, ni ikui iŋmu Manase aanibol aasaloln—Pedasur aajapɔɔn Gamaliel—waajab nan ye ŋichur piitaa ni ŋilee, ni ikui ilee Benjaminn aanibol aasaloln—Gideoni aajapɔɔn Abidann—waajab nan ye ŋichur piitaa ni ŋiŋmu, ni ikui inaa Baah nan kpaan ki saa pu na sɔ: ŋichur nkub ni ŋiniin, ni nkub. Efraim aanibol, ni ŋinibol ŋi kpee li pu na, le ga paan taataa.

Tibɔnyaan ti Luk ŋmee ti na 1:17

U ga li kpa Uwumbɔr Aafuur Nyaan, ni mpɔɔn, ke Uwumbɔr aabɔnabr Elaija aah nan kpa pu na, ki ga loln ni Tidindaan pu nsan. U ga cha tetiib ni baabim ki kpaan. U ga cha binib bi kaa kii Uwumbɔr aamɔb na li kpa nlan, aan bi kpeln, ki li dii bininyaam aah dii pu na. U ga toor binib, bi li ye binib bi gor ki kii Uwumbɔr na.”

Tibɔnyaan ti Luk ŋmee ti na 15:20

Le u fii ki cha ute do. “Waah laa bi ni daa na, le ute waa u, ki san u kinimbaak, le ki san tooh u nsan ni, ki ti di uŋaal kpal u, le ki moor utakpiln.

Lituln 3:26

Nima pu na, Uwumbɔr nan nyan Waabo, ki nan tun ni u ni chee njan, ke u nan ŋa nimi tinyoor; u cha ni di cha nimi aatunwanbir; tinyoor ngbaan le na.”

Filipi 2:13

ba pu? Uwumbɔr bi tun lituln nisui ni, ke ni li neen ke ni kii waamɔb, ki li ŋani waageehn.

Hiibru Yaab 12:5

Ni suln Uwumbɔr aah sur nimi pu na aa? U yin nimi waabim ki bui ke, “Maabo, Uwumbɔr yaa sak si kan, ŋun mbamɔm. U yaa cha falaa pii si ke u chiin si kan, taa cha aataakpab yɔl.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.