Jeremia 31:15 - Uwumbɔr aagbaŋ

¹⁵ Uwumbɔr bui ke, “Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu; bi mɔmɔk kpo a, le ubaa aa ŋmaa sɔŋ usui.

Jeremia 31:15 ပူးပေါင်းရင်းမြစ်များ

Mpiin 35:19

Rachel aah nan kpo na, bi nan di u sub gbaŋ Efraf aasan chee, dandana bi yin nima chee ke Betlehem.

Mpiin 37:35

Le ujapɔtiib ni ubisatiib mɔmɔk nan dan bi nan sɔŋ usui, le u nan yii baasurm ki bui ke, “Hali, m ga di ti kpo, maan suln maabo ngbaan aakun bɔr.” Nima pu na, n‑yoonn mɔmɔk u nan wii Josef aakun aabɔr pu la.

Mpiin 42:13

Le bi bui u ke, “Uninkpel, ti nan ye naabitiib kipiik ni bilee la, ujabaan aabim, le ki nyan ni Kanaann aatiŋ ni. Ti ponn ni ubaa kpo a, le uwaatiir gur ki bi tite chee linampal.”

Mpiin 42:36

Le bite bui bi ke, “Ni ban ke m taa ki li kpa ubo ubaa la aa? Josef aa ki bi, Simeonn mu aa ki bi, le dandana wee ni ban ni nyan Benjaminn mu m chee. Min le ji falaa.”

Mpiin 5:24

U nan dii Uwumbɔr mbamɔm, le kaa nan kpo. Uwumbɔr le nan di u buen paacham.

Job Aagbaŋ 7:21

Saan ŋmaa di cha pinn mi maatunwanbir aa? Saan ŋmaa suln taani u m ŋani na aa? Naan ki yunn le m koo likaakul ni, le aa yaa ki ban mi kan, saan kan mi.

Ilahn 37:36

Puwɔb le m nan ki jer nima le waa nan ki bi; m nan ban u le kaa ki kan u.

Ilahn 77:2

Limukl yoonn le m mee Uwumbɔr. Kinyeek ni kitaak aawoln pu, m yoor ŋŋaal paacham le ki mee u, le kaa tee kani nsuudoon.

Aisaya 10:29

Bi dii kifataŋ kibaa ni ki fuu Geba ki doon nima. Ijawaan chuu Rama aatiŋ aanib sakpen a, le ubɔrkpaan Sɔɔl aatiŋ ki bi yin ki ke Gibea na aanib san.

Aisaya 22:4

Di cha mi man aan m wii maanib bimɔk kpo na pu. Taa sɔŋni nsui man.

Jeremia 10:20

Timi aagban aaboo ber a; iŋmin i nan joo ŋi na kii a. Timi aabim mɔmɔk buen a; ubaa aa ki bi ki ga ki fiin timi aaboo; ubaa aa ki bi ki ga di ŋaabisamɔi aakeken leen.”

Jeremia 40:1

Babiloŋ aajab aayidaan Nebusaradann aah nan nyan mi lii Rama aatiŋ ni na, le Uwumbɔr nan len m chee tibɔr. Bi nan gbin mi tikululn ki di m ni Jerusalem, ni Juda aanib bi bi nan chuu bi tinaagbiir joo chaa Babiloŋ ni na buen nima chee.

Inandalahn 5:7

Tiyaajatiib le nan tun titunwanbir, le kaa ki bi din wee, le timi le bi ji baatunwanbir ngbaan aafalaa.

Esekiel 2:10

Ŋŋaal ngbaan nan chuu kpar kigbaŋ ngbaan, le m kan ke ki kpa ŋŋmeen ŋipepel mɔmɔk ŋilee pu, ki ye mpombiin aawiil, ni ikpowiil, ni idun aaŋmeen.

Josua 18:25

Ntim mu nan ki kpee na le ye Gibeonn, ni Rama, ni Beerof,

Bibɔjirb 4:5

U nan ŋmaa kaa libɔkpal aasub bubaa taab la. Busub ngbaan nan bi Rama aatiŋ ni Betel ki bi ŋigongon aatiŋ ki ye Efraim aanibol aatiŋ na aakaasisik ni la, le Israel aanib chaa u chee nima, ki ti toor baabɔr.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.