Jeremia 31:14 - Uwumbɔr aagbaŋ

¹⁴ M ga cha bitotoorb ji tijikaar nyaan ki ti bab, ki tii maanib baah ban pu na mɔmɔk. Min Uwumbɔr le len kina.”

Jeremia 31:14 ပူးပေါင်းရင်းမြစ်များ

2 Bibɔrb Aabɔr 6:41

Tidindaan Uwumbɔr, fii sil, ki dii Nkaal Aadakaa, u ye saapɔɔn aamɔkl na, koo Saadichal ngbaan ponn ni, ki li koo do n‑yoonn mɔmɔk. Ŋa saanyoor ŋa saatotoorb aatuln mɔmɔk pu, ki cha saanib li kpa mpopiin saah kpa bi pu tiŋann ti na pu.

Nehemia 10:39

Liifai yaab, ni Israel aanib biken le ga di baah too too tijikaar ti na mɔmɔk, njikaabim, ni ndaan, ni olif aakpan, ki di buen nin chee bitotoorb bi bi lituln pu na, ni Uwumbɔr Aadichal aakikiib, ni bilahngaab kpa baadir na, Lidichal ngbaan ponn ni aasambil ni tiyir aah bi nin chee na. Taan suln timi Aawumbɔr Aadichal bɔr.

Ilahn 107:9

U tii nnyunyuu aah joo binib bi na nnyun, le ki tii nkon aah joo binib bi na tijikaar ti ŋan na.

Ilahn 132:16

M ga ŋa maanyoor ŋa kaatotoorb aatuln mɔmɔk pu, le kaanib ga gaa mpopiin aalahn mpɔɔn pu.

Ilahn 132:9

Cha saatotoorb li tun lituln li ŋan na n‑yoonn mɔmɔk. Cha saanib gaa mpopiin aalahn.

Ilahn 17:15

Le mma ga kan si, ba pu? maa tun taani ubaa; le m yaa finn ngeen pu kan, saah bi m chee pu na ga tii mi mpopiin.

Ilahn 36:8

Saah tii timi tijikaar sakpen ti na le kpiini timi; le ti nyu nnyun saaŋann aamɔɔ na ni.

Ilahn 63:2

Cha m kan si saadichal ni, cha m kan saah kpa mpɔɔn, ni kipak pu na.

Ilahn 63:5

M ga bab ke maah jin tijikaar ti ŋan sakpen na le na, le m ga gaa mpopiin aalahn ki pak si.

Ilahn 63:6

M yaa dɔ tiwandookaan pu kan, m teer aabɔr la; kinyeek mɔmɔk kan, m dak sin pu la;

Ilahn 65:4

Saah lee binib bi ke bi li koo saadichal ni na kpa mpopiin. Tiwanyaan ni bi saadichal ponn ni, ki ye Lidichal ngbaan aanyoor na ga tii timi mpopiin.

Ilahn 85:13

Mbimbinyaan le ga loln Uwumbɔr pu nsan, ki toor nsan tii u.

Ilahn 90:14

Kichakpiik mɔk ni kan, di saageehm mu bi n‑yoonn mɔmɔk na gbiin timi, aan ti gaa ilahn ki li kpa mpopiin ki ti saa timi aamɔfal aadoon.

Solomonn Aalahn 5:1

Maabɔngeehn ni maabɔndinn, m koo maasaak ponn ni la. M bi nyani maatulalee aakpiin ni mir la; m bi ji maasiinyun ni nsiikpan la; m bi nyu maasubil aadaan ni nnaabiin la. Bɔtiib, li ji ki nyu man ki ti saa buyoonn mbɔngeehm ga gbii nimi na.

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Aisaya 61:6

Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Jeremia 31:25

M ga tii binib bi bak na lifuur, ki cha nkon aah joo bi na ji tijikaar ti bab.

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Jeremia 50:19

M ga giin Israel aanib baatiŋ pu. Bi ga ji tijikaar ti bi bun Kamel Aajool pu, ni Basann aapepel ni na, le ki ga ji tijikaar ti mɔmɔk bi ban na, Efraim ni Gilead aapepel ni.

Esekiel 34:14

M ga cha i ŋmɔ timoor lifuur ni, ŋijoo aamoŋmɔpaan, ni tifatann, ni Israel aatiŋ aamosɔnn mɔmɔk ni.

Hagai 2:19

Tɔ, njikaabim mubaa aa gur, le ndaan aasubil ni ŋikakan, ni ŋisubil ŋiken na, ni olif aakpan aasui mu aa kee lun; ki nya din wee ki joo cha, m ga ŋa tinyoor ŋa ni pu.”

Matiu 5:6

Binib bi aanimbil man ke bi li ye bininyaam na, Uwumbɔr aanyoor bi bi pu. Binimbil ga gbiin.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Efesusi 3:19

Waah gee timi pu na jer unii aah ga ŋmaa bee pu na. M ban ke ni bee waah gee nimi pu na aan nimi aabimbin li bi ke waah bi pu na mbamɔm.

Ikaal 33:23

U nan ŋa tinyoor ŋa Naftali aanibol pu le ki bui ke, “Uwumbɔr ŋa tinyoor sakpen ŋa Naftali aanibol pu, ki cha waabulchinn li bi bi chee. Baatiŋ mɔk le yoor ŋŋangii wɔb ki ti ker Galilee Aanyusakpem mɔk.”

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 5:10

Aa ŋa bi saanaan ni aanib bi ye bitotoorb na, bi ti tun lituln tii timi Aawumbɔr, le bi ga li joo dulnyaa mɔmɔk.”