Jeremia 31:12 - Uwumbɔr aagbaŋ

¹² Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Jeremia 31:12 ပူးပေါင်းရင်းမြစ်များ

Ilahn 130:4

Le aa di cha pinn timi, ke ti li san si ijawaan.

Aisaya 1:30

N‑yoonn ngbaan ni ga gbar ke likpaln li kuur na, ki yɔl ke tijikaar ti utaal aa nu ŋani ti pu na.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 51:11

Saah gaa binib bi lii na ga di mpopiin fuu Jerusalem, ki ga li gaa ilahn ki tar ni mpopiin. Bi ga li kpa mpopiin n‑yoonn mɔmɔk; bi ga nya kinimbaak, ni mpombiin ponn ni ki ti saa n‑yoonn mu kaa kpa ndoon na.

Aisaya 52:8

Binib bi kii kitisakpeŋ ngbaan na bi tar, baah kpa mpopiin pu na, le bi kpaan ki tar. Binimbil waa Uwumbɔr aah ki gir choo Sionn pu na.

Aisaya 58:11

Le m ga li kii nimi n‑yoonn mɔmɔk ki tii nimi tiwan ni ŋan na. M ga cha ni li kpa laafee ki pɔɔ. Ni ga li bi ke tikpin aasaak ki kaa lann nnyun na la, ki naahn uyayak aanyunbun mu kaa foor na.

Aisaya 60:20

Nimi aapombiin aayoonn ga doo. Min Uwumbɔr le ga li ye nimi aawiihn mu kaan junn na, ki ye nwiihn mu wiin ki yunni jer nwiin ni uŋmal aawiihn na.

Aisaya 65:19

Min mbaa ga li kpa mpopiin Jerusalem ni kaanib pu. Iwiil aan li bi nima, ubaa aan li yin uken ki ban nterm nima.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 31:24

Binib ga li koo Juda ni kaatim mɔmɔk ni, le bikpaab ga li bi, le biwakojoob mu ni baawakor li bi.

Jeremia 31:25

M ga tii binib bi bak na lifuur, ki cha nkon aah joo bi na ji tijikaar ti bab.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 31:6

Mbamɔn, n‑yoonn choo, le bikikiib ga sil Efraim aagongon paab ki bui ke, ‘Cha ti jon buen Sionn aajool, Tidindaan Uwumbɔr chee man.’”

Jeremia 31:7

Uwumbɔr ki bui ke, “Li gaa mpopiin aalahn Israel aatimbol li ye litimbol sakpeln ki jer ŋitimbol mɔmɔk na pu man. Gaa nimi aapak aalahn man, ‘Uwumbɔr gaa waanib lii a; u gaa binib bi mɔmɔk gur na lii a.’

Jeremia 32:15

Uwumbɔr Mpɔɔnsakpiindaan, u ye Israel yaab Aawumbɔr na, bui ke bi ga nan ki daa ŋidichal, ni ikpaakon, ni ŋisubil aasar kitiŋ kee pu.”

Jeremia 33:12

Uwumbɔr Mpɔɔnsakpiindaan ki len ke, “Kitiŋ ki bi ke nteersakpiin na, binib ni tiwakor aa bi na ni, le bipihdam ga ki di baapiih buen mmoŋmɔpaan ni, nima chee.

Jeremia 33:13

Bipihkpaab ga ki kahn baapiih ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb, ni Benjaminn aapepel ni, ni ntimbim mu bi gbɔk Jerusalem na ni, ni Juda aatim ni. Min Uwumbɔr le len kina.”

Esekiel 17:23

m ga ti ŋum ni Israel aajool li fɔk jer ŋijoo mɔmɔk na pu. Ni ga ŋa ŋipan ki lu ŋisubil ki kpaln santina sakpiin. Inyoon mɔmɔk aabɔŋ ga li koo bu ni, ki kan lifuur bu aaboon ni.

Esekiel 20:40

Nimi Israel aanib mɔmɔk ga li dooni mi kitiŋ ngbaan pu, maajool li bi chain ki ye Israel aajool li paa na pu nima. M ga li gee nimi, le ni ga joo ni mi nimi aatork, ni nimi aapiinkpaan i bi chain na.

Esekiel 34:14

M ga cha i ŋmɔ timoor lifuur ni, ŋijoo aamoŋmɔpaan, ni tifatann, ni Israel aatiŋ aamosɔnn mɔmɔk ni.

Esekiel 36:30

M ga cha nimi aasubil aasui moo lu, ki cha nimi aasar mu pɔr, aan nkon taa ki li bi ki jinn nimi inimɔɔn ŋitimbol ŋiken chee.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Joel 3:18

N‑yoonn ngbaan kan, ŋijoo mɔmɔk pu ga li ye ikpaakon la; le inaa ga li bi ŋigongon mɔmɔk pu; le Juda aakpen mɔmɔk ponn ni ga li kpa nnyun pam. Nnyun ga li puu nyan ni Uwumbɔr Aadichal ni, ki sɔŋ Sitim Aafataŋ.

Hagai 2:19

Tɔ, njikaabim mubaa aa gur, le ndaan aasubil ni ŋikakan, ni ŋisubil ŋiken na, ni olif aakpan aasui mu aa kee lun; ki nya din wee ki joo cha, m ga ŋa tinyoor ŋa ni pu.”

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Jɔnn 16:22

Ni bi kina le ni mu chee. Dandana, ni kpa mpombiin la. M ni nimi ga nan ki kan tɔb, le ni ga li kpa mpopiin. Ubaa aan ŋmaa nyan mpopiin ngbaan nisui ni.

Rom Yaab 2:4

U ŋa si tibulchinn sakpen, ki kpa limɔr ni suklaa aa pu. Ba ŋa aa lik u fam? Saa nyi ke Uwumbɔr ban ke aa kpeln saabimbin aa? Nima le cha u ŋa si tibulchinn.

Tibɔkpiirkaan 21:4

ki ga per bi tinyunyunn mɔmɔk. Nkun aan ki li bi; mpombiin mu aan ki li bi; iwiil mu aan ki li bi; iween mu aan ki li bi; ba pu? tiwankpok mɔmɔk jer a.”

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”