Jeremia 31:10 - Uwumbɔr aagbaŋ

¹⁰ Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 31:10 ပူးပေါင်းရင်းမြစ်များ

Mpiin 10:5

biyaabitiib nan bi ŋidik pu, ni nnyusakpem aagbaan la. Jafef aayaabitiib ngbaan nan bi baatim ni, le bi mɔmɔk aanibol bi, kaa kpaa iliin.

Ilahn 147:2

Uwumbɔr ki bi maa Jerusalem la; u bi giini binib bi nan bi tinaagbiir ni na la.

Ilahn 23:1

Uwumbɔr le ye u joo mi ke upihdaan aah joo waapiih pu na; m kpa maah ban tiwan nimɔk na.

Ilahn 72:10

Speenn aatiŋ, ni ŋidik pu aabɔrb ga tii u ipiin; Arabia ni Itiopia aatim aabɔrb ga joo ni ipiin.

Ŋiyataŋak 27:23

Li kii saapiih ni saanaa mbamɔm,

Aisaya 24:14

Le binib bi ŋmar na ga gaa ilahn mpopiin pu. Binib bi bi liwilir wɔb na ga len Uwumbɔr aapɔɔn aah bi pu na,

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Aisaya 40:1

Uwumbɔr bui ke, “Sɔŋ maanib aasui, sɔŋ bisui man.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 41:1

Uwumbɔr bui ke, “Nimi ntim mu bi dandar na aanib, ŋmin man aan ki li pelni m chee. Gor man nibaa ki di nimi aabɔr buen libɔjil ni; ni ga kan nsan ki len nimi aabamɔn. Cha ti kal ki kpokl ki lik man u kpa mbamɔn na.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Aisaya 42:4

Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 54:7

“M nan san cha si siib; le ki ga ki di ngeehm yoor si.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Jeremia 23:4

M ga ban biyidam bi ga li joo bi na. Maanib aan ki li san ijawaan, le maan ki daa bitafal. Min Uwumbɔr le len kina.”

Jeremia 3:15

M ga ban bijojoob bi kii maamɔb na le tii nimi, le bi ga di nlan ni ŋuntii joo nimi.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:19

M ga giin Israel aanib baatiŋ pu. Bi ga ji tijikaar ti bi bun Kamel Aajool pu, ni Basann aapepel ni na, le ki ga ji tijikaar ti mɔmɔk bi ban na, Efraim ni Gilead aapepel ni.

Esekiel 11:16

“Tɔ, di maah len pu na tuk aado yaab binaagbiib biken. Min le cha bi ti bi ŋitimbol ŋi daa na ni, le ki cha bi yaa ki bi ntim muken ni. N‑yoonn mumina m ga li bi bi chee baah buen ntim mu ni na.

Esekiel 20:34

M yaa nan kuun nimi ki nyan ni naah yaa ki bi ntim mu mɔmɔk ponn ni na kan, m ga mɔk nimi maapɔɔn ni maaŋuul aah bi pu na.

Esekiel 34:12

ke upihdaan aah joo waapiih i nan yaa aan u ki kuun ni i na pu na. M ga kuun i nya ni yaah nan yaa libiil aawinbɔbɔɔn ngbaan daal ki bi nin chee na.

Esekiel 37:24

Ubɔr u bi ke maatutunn David na le ga li ye baabɔr. Bi mɔmɔk ga kpaan kimɔbaan ki li bi ujojoor baan aataab, ki ga li joo maakaal mbamɔm.

Esekiel 5:10

Kina pu na, tetiib ni natiib bi bi Jerusalem ponn ni na ga ŋmɔ baabim, le mbim mu ga ŋmɔ tetiib ni natiib. M ga daa nitafal le ki cha bi ŋmar na yaa buen ŋipepel mɔmɔk ni.

Esekiel 5:2

Butɔb aajab aah ŋa tiwan ni mɔmɔk ki gob Jerusalem aatiŋ na yaa nan jer kan, aa di liker libaa ŋa mmii ni, kitiŋ ngbaan ponn ni. Di saajaak aajuk chɔi chɔi liker liken buyoonn aa nyan kitiŋ ngbaan ni ki bi chuun na. Di liker li gur na yaa libuln ni, aan m di maajaak aajuk paan ti pu.

Daniel 11:18

Nee aapuwɔb, le u ga ti tak ŋitimbol ŋi bi nnyusakpem chee na, ki nyaŋ mu ponn ni pam. Le biwɔwɔm aajab aaninkpel ga nan nyaŋ u ki kuln waamakl ngbaan; mbamɔn, u ga giin Siria aabɔr aamakl ngbaan di ŋa u.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Maika 2:12

“Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Maika 4:6

Uwumbɔr bui ke, “N‑yoonn choo, le m ga kuun ni binib bi m daa bitafal, aan bi jin falaa tinaagbiir ni kitiyayaŋ ni na nan kpaan.

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Sefania 3:19

N‑yoonn choo, le m ga daa binib bi muk nimi na aatafal; m ga gaa binib bi mɔmɔk ye biwɔb na lii, ki giin ni binib bi bi tinaagbiir ni kitiyayaŋ ni na linampal. M ga cha baanimɔɔn kpaln nnyuŋ, le dulnyaa mɔmɔk ga li pak bi.

Sekaria 10:8

M ga yin maanib, ki kuun bi nan kpaan. M ga gaa bi lii, ki cha bi ki wiir ke baah nan bi pu na.

Sekaria 2:6

Uwumbɔr nan bui waanib ke, “Min le nan cha ni yaa koo ŋipepel mɔmɔk ni. Tɔ, dandana wee, nimi binaagbiib, san nya Babiloŋ aatiŋ ni, ki gir ni Jerusalem aatiŋ ni man.”

Sekaria 9:16

Nwiin ngbaan daal yaa nan fuu ni kan, Uwumbɔr ga gaa waanib lii, ke unii aah nyani waawakor linimaln ni pu na. Uwumbɔr aanib ga li moor waatiŋ ni ke kibɔryikpupuk aatakpanyaan na.

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Jɔnn 10:27

Maanib ŋun maaneel, le m nyi bi, le bi dii mi.

Jɔnn 11:52

Naa ye litimbol ngbaan baanja pu le u ga kpo. U ga kpo ki kuun Uwumbɔr aanib bi yaa ki bi ŋipepel mɔmɔk ni na, ki kpaan bi ke bi ŋa unibaan.

Ikaal 30:4

Hali ni yaa yaa buen dulnyaa aanaanmɔk kan, Nidindaan Uwumbɔr ga kuun ni nimi tɔb chee ki giin ni nimi,

Ikaal 32:26

M nan len ke m ga kuln bi, aan nima kan, ubaa aan ki teer bibɔr.