Jeremia 30:8 - Uwumbɔr aagbaŋ

⁸ Uwumbɔr Mpɔɔnsakpiindaan ki bui ke: “Liyaadaal ngbaan yaa nan fuu ni kan, m ga kool inaaja i ko na aadɔ i bi di leen bisil na ki chuu nyan baakululn na mu, le baan ki li ye biwɔwɔm aanaagbiib.

Jeremia 30:8 ပူးပေါင်းရင်းမြစ်များ

Ilahn 107:14

U nan nyan bi baapombiin ni mbɔmbɔɔn ni, ki geei baakululn na yuk yuk.

Aisaya 10:27

N‑yoonn ngbaan yaa fuu ni kan, m ga gaa nimi lii, ki nyan nimi Asiria yaab aapɔɔn ni. Baamukl aan ki li bi ni pu.”

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 14:25

M ga kuln Asiria yaab bi bi maatiŋ Israel ni na, ki taa taa bi pu maajoo pu, ki nyan maanib falaa u Asiria yaab ŋani bi na ni, ki gaa bi lii.

Aisaya 14:3

Uwumbɔr ga nyan Israel yaab baaween, ni baamuk ni, ni ŋitupɔɔl ŋi bi nan muk bi bi tun ŋi na.

Aisaya 9:4

ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 25:14

Babiloŋ yaab aah tun pu na, kina le m ga di teen bi, le ŋitimbol pam ni bibɔrkpaam di bi ŋa baanaagbiib.’”

Jeremia 27:2

ke m di ŋigbapapan ni idɔ, ki ŋa mbaa inaaja i ko na aadɔ i punn isil pu na ki di leen nsil.

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 28:10

Le Hanania chuu inaaja aadɔ i lee nsil na ki kool kool i yuk yuk,

Jeremia 28:13

ke m buen ti tuk Hanania ke: “Uwumbɔr bui ke aa ga ŋmaa koo idɔ i pui inaaja aasil pu na, le u ga ŋa tikur yaan teen idɔ yoo ngbaan aabuul ni.

Jeremia 28:4

M ga giin ni Juda aabɔr Jehoyachinn, u aate ye Jehoyakim na, ni Juda aanib bi mɔmɔk nan buen tinaagbiir ni Babiloŋ ni na. Een, m ga bii Babiloŋ aabɔr aapɔɔn. Min Uwumbɔr le len kina.”

Esekiel 30:18

M yaa nan bii Ijipt aapɔɔn mu bi nan mak mu pu sakpen na kan, mbɔmbɔɔn ga lir Tapanes aatiŋ pu. Ntaalangbam ga biin Ijipt aatiŋ pu, le bi ga chur kaatim mɔmɔk aanib tinaagbiir.

Esekiel 34:27

Isui ga lu ŋisubil, tisar ga ŋa tijikaar, le unii mɔmɔk ga li bi waatiŋ pu, ŋŋmarm ni. M yaa kii maanib aakululn ki gaa bi binib bi nan di bi ŋa binaagbiib na chee lii kan, n‑yoonn ngbaan le bi ga bee ke min le ye Uwumbɔr.

Nahum 1:13

Dandana wee ma m ga kuln Asiria yaab aapɔɔn mu bi nan kpa ni pu na, ki kii tikululn ti nan buu nimi na.”