Jeremia 30:7 - Uwumbɔr aagbaŋ

⁷ Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 30:7 ပူးပေါင်းရင်းမြစ်များ

Mpiin 32:7

Ijawaan nan chuu Jakob, le ni muk u. U nan chuu yakr binib bi bi u chee na nfum mulee, ki yakr waapiih, ni iŋoob, ni inaa, ni laakumii tiib mu kina.

Ilahn 25:22

Uwumbɔr, nyan Israel aanib baabɔr mɔmɔk ni.

Ilahn 34:19

Uninyaan kani ŋimuk aabɔŋ aabɔŋ la, le Uwumbɔr nyani u ŋi mɔmɔk ni;

Aisaya 20:6

N‑yoonn ngbaan yaa nan fuu ni kan, binib bi koo Filistia yaab aatiŋ, nnyusakpem aagbaan chee na, ga bui ke, ‘Lik man tiwan ni ŋa binib bi ti nan di tibaa tii bi ke bi li kii timi Asiria aabɔrkpaan chee na. Ti ga ŋa kinye aan ki tee ŋmar?’”

Jeremia 14:8

Sin baanja pu le Israel yaab mak; sin le nan nyan timi tibɔbir ni. Ba ŋa aa gur bi timi aatiŋ pu ke uchaan na, ki bi ke usachuln u ban u doon timi aatiŋ ni kinyeek kibaa baanja na?

Jeremia 2:27

Sin u bui ke aate ye busub, le litakpal mu ye aana na ga ji inimɔɔn. Naah fenn nipuwɔb tii mi, kaa fenn ki dii mi pu na, le ga cha kina ŋa. Le ni yaa tee bi tibɔr ni kan, ni bui ke m dan nan gaa nimi lii.

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Jeremia 30:10

Maanib, taa san ijawaan man; Israel aanib, taa cha ijawaan joo nimi man. M ga nyan ni nimi dandar aatiŋ ni, m ga nyan ni nimi kitiŋ ki ponn ni, ni ye binaagbiib na. Ni ga gir ni linampal ki nan li bi nsuudoon ni, ni ga li bi lifuur ni, le ubaa aan ki cha ijawaan chuu nimi.

Inandalahn 1:12

Unii umɔk jer na kan, ki wii le ki len ke, “Lik maah bi pu na. Ubaa aa kee kan iween i aaboln m kan na, Uwumbɔr aaŋuul yoonn le u di kina aaween tii ni mi.

Inandalahn 2:13

Jerusalem aatiŋ ki m gee ki na, m ga len ke ba? M ga ŋa kinye ki sɔŋ aasui? Ubaa aa kee jin falaa umina aaboln. Saabɔbir aa kpa timɔk ke nnyusakpem na la; limakl aa ki bi nibaa chee.

Inandalahn 4:6

Maanib kan ntafadaan ki jer Sodom yaab bi Uwumbɔr aaŋaal nan dan nan kuln bi liwinbaal na.

Daniel 12:1

Uwumbɔr aatuun mu pee ŋitanyaan aawanpeenkaan na len ke, “N‑yoonn ngbaan yaa nan fuu ni kan, Uwumbɔr aatuun Maikel u kpa mpɔɔn ki kii Israel aanib na ga dan. Le tibɔbir aayoonn ga fuu ni, tibɔbir ti kaa kee ŋa n‑yoonn mu Uwumbɔr naan ŋitimbol na ga fuu ni. N‑yoonn ngbaan yaa nan fuu ni kan, saanib bimɔk aayimbil bi Uwumbɔr Aagbaŋ ni na ga ŋmar.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Hosea 1:11

Juda aanib ni Israel aanib ga ki gir kpaan kimɔbaan. Bi ga kpaan le ki ban usaloln ubaa, le bi ga ki pɔr ki kan nkam baatiŋ ni. Een, Jesreel aawiin daal ga li ye nwinkpaan la.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Joel 1:2

Li pel mbamɔm man, nimi bininkpiib, ni binib bi mɔmɔk bi Juda aatiŋ ni na, ni li pel. Naah fii ki pii nitetiib ni nimi aayoonn na, tiwan nimina aaboln kee ŋa ni kan ni ii?

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Maika 4:9

Ba ŋa aa wii mpɔɔn pu sakpen kina? Ba ŋa aa ji falaa ke upii u imalween joo u na? Saah kaa kpa ubɔr, aan saasusurb mu kpoi na pu le aa wii ii?

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Sekaria 14:7

le libɔmbɔln mu aan li bi. Nwiin ga li bi nwiin pu ni kinyeek mu la. Uwumbɔr baanja le nyi buyoonn nimina ga ŋa na.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Tibɔnyaan ti Mak ŋmee ti na 13:19

N‑yoonn ngbaan, binib ga ji falaa sakpen a. Buyoonn Uwumbɔr nan naan dulnyaa na, ki nan saa dandana wee na, baa kee jin falaa ngbaan aaboln, ki mu aan ki ji falaa kina.

Lituln 2:20

nwiin ga bɔln, le uŋmal mann ke nsin na, waahr aan Uwumbɔr aawiin daal nin fuu ni. Mu ga li ye nwiin sakpiin mu kpa liyimbil na.

Rom Yaab 11:26

N‑yoonn ngbaan le Juu yaab mɔmɔk mu ga ŋmar. Ni ŋmee Uwumbɔr Aagbaŋ ni ke, “U gaal binib lir na ga nyan ni Sionn paacham, ki nyan Jakob aayaabitiib aatunwanbir.

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”