Jeremia 30:20 - Uwumbɔr aagbaŋ

²⁰ M ga cha litimbol ngbaan ki kan laah nan kpa mpɔɔn mu n‑yaayoonn na, ki cha li ki too nyal sil; m ga daa binib bi mɔmɔk muk bi na aatafal.

Jeremia 30:20 ပူးပေါင်းရင်းမြစ်များ

Ilahn 102:18

Ŋmee bil Uwumbɔr aah tun pu na, aan n‑yoonn mu choo na yaab nan kan, aan baah kaa kee ma binib bi na nan pak u.

Ilahn 102:28

Timi aabilb ga li bi lifuur ni, le aa ga li kii bi, le biyaabitiib ga nan kan ŋŋmarm.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Aisaya 54:14

Ibamɔn ni lituln li ŋan na le ga tii si mpɔɔn. Aa ga fuur limukl ni mbiin pu.

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 32:39

M ga tii bi lituln libaa baanja le baamɔfal ni. Nima le ga li ye ke bi li nyuŋni mi n‑yoonn mɔmɔk, bima bibaa ni biyaabitiib aamɔfal pu.

Inandalahn 5:21

Uwumbɔr, giin ni timi aabaa chee. Giin ni timi. Taah nan kpa kipak ki n‑yaajayoonn na, giin ki tii timi.

Sekaria 10:6

M ga tii Juda aanib mpɔɔn; m ga gaa Israel aanib lii. M ga san bi kinimbaak, ki giin ni bi mɔmɔk linampal. Bi ga li bi ke maah kaa kee yii bi daalbaadaal le na. Min le ye Bidindaan Uwumbɔr; m ga kii baameel.

Sekaria 10:8

M ga yin maanib, ki kuun bi nan kpaan. M ga gaa bi lii, ki cha bi ki wiir ke baah nan bi pu na.

Sekaria 8:5

Le mbijabim ni mpiibim mu ga ki gbiin kitiŋ ngbaan ponn ni ki gbiir.