Jeremia 30:18 - Uwumbɔr aagbaŋ

¹⁸ Uwumbɔr ki bui ke, “M ga giin ni maanib baatiŋ pu ki san lidichal mɔmɔk kinimbaak; Jerusalem ga ki gir maa, le kaanaan aadichal ki gir sil.

Jeremia 30:18 ပူးပေါင်းရင်းမြစ်များ

1 Bibɔrb Aabɔr 29:1

Ubɔr David nan bui binib bi mɔmɔk kuun na ke, “Njapɔɔn Solomonn le Uwumbɔr lee, tɔ, u mu laa par kaa kee kpa lituln aanimbiwoln. Lituln ngbaan ye litukpaan la, ba pu? naa ye libɔrdichal li unibɔn ban u li koo li ponn ni na, li ye Tidindaan Uwumbɔr Aadichal la.

1 Bibɔrb Aabɔr 29:19

Tii njapɔɔn Solomonn nsuubaan aaneen aan u di kii saah siin tiwan ni mɔmɔk na, ki cha u maa Saadichal li m gor tiwan nee mɔmɔk siin na.”

Nehemia 7:4

Jerusalem nan ye kitiŋ ki wiir na la, le binib bi nan koo ki ponn ni na aa tee wiir, le kaadichal mu aa nan kee wiir.

Ilahn 102:13

Aa ga fii sil ki san Sionn kinimbaak; n‑yoonn fuu ni ke aa san ki kinimbaak; n‑yoonn mu ŋan na sɔ.

Ilahn 102:14

Kaah ber ki kuln pu na, saatutum beenin gee ki la; kaah gur tilangbenn pu na, bi san ki kinimbaak la.

Ilahn 122:7

Cha nsuudoon li bi Jerusalem ni, ki cha lifuur li bi kaabɔrdichal ni.”

Ilahn 48:13

moo lik man kaagon ŋi bi maa gob ki na, ni tidir ti kpa mpɔɔn na mbamɔm, aan ki nan bui binib bi paa ni puwɔb na ke,

Ilahn 48:3

Uwumbɔr mɔk ke lifuur bi u chee, waatiŋ ki bi maa ŋigon kiir ki na ponn ni.

Ilahn 78:69

Nima chee le u maa Waadichal ke udo ni bi paacham na; u nan cha li nyal sil ke kitiŋ kibaa aah si chob pu aan nibaa aa ŋmaa ŋa ki, ki ti saa n‑yoonn mu kaa kpa ndoon na la.

Ilahn 85:1

Uwumbɔr, aa san saatiŋ kinimbaak; aa ki cha Israel yaab kan liwankpal.

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 29:11

Min baanja le nyi maah dak ni pu pu na, ilandak i ye ke m joo ni nimi nkam kaa ye tibɔbir na, ilandak i ye ke m joo ni nimi fen u ni mak u pu na. N‑yoonn mu choo na kpa limakl;

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 30:3

ba pu? n‑yoonn choo le m ga nan giin ni maanib, Israel ni Juda yaab. M ga giin ni bi biyaajatiib aatiŋ ki m nan di tii bi na pu, le ki ga ki ŋa baatiŋ. Min Uwumbɔr le len kina.”

Jeremia 31:23

Uwumbɔr Mpɔɔnsakpiindaan, u ye Israel yaab Aawumbɔr na bui ke, “M yaa ki giin binib ngbaan kaan baatiŋ pu kan, bi ga ki len Juda ni kaatim ni ke, ‘Uwumbɔr ŋa waanyoor ŋa Jerusalem aagongoln li bi chain, aan u koo nima chee na pu.’

Jeremia 31:38

Uwumbɔr ki len ke, “N‑yoonn choo, le bi ga ki gir maa Jerusalem pel pel ke maatiŋ, ki nya Hananel aadifɔfɔk ki bi mbisamɔb mu bi yin mu ke Kilɔlɔŋ ni Aabisamɔb na aawilir wɔb na.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 31:40

Kifataŋ ki ponn ni bi sui binib ki joo timoor ti kpir na mɔmɔk, ni ikpaakon i bi Kidronn aabun aapaacham na, ki ti saa mbisamɔb mu bi yin mu ke Utaan Aabisamɔb, aan mu bi liwipuul wɔb na, ga li bi chain tii mi la. Ubaa aan ki tur kitiŋ ngbaan lii, kaan ki ber ki daalbaadaal.”

Jeremia 32:15

Uwumbɔr Mpɔɔnsakpiindaan, u ye Israel yaab Aawumbɔr na, bui ke bi ga nan ki daa ŋidichal, ni ikpaakon, ni ŋisubil aasar kitiŋ kee pu.”

Jeremia 32:44

Binib ga daa i, le bi nyii biŋaal tigbann pu, ki kpab ti, biseeraadam mu ga li bi. Nimina ga ŋa kina Benjaminn aapepel ni, ni ntimbim mu bi gbɔk Jerusalem na, ni Juda aatim ni, ni ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb. M ga giin binib ngbaan baatiŋ pu. Min Uwumbɔr le len kina.”

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 33:7

M ga cha Juda ni Israel yaab kan nkam, m ga ki gir siin bi ke baah nan bi pu na.

Jeremia 46:27

“Maanib, taa san ijawaan man, Israel aanib, taa cha ijawaan chuu nimi. M ga nyan ni nimi dandar aatiŋ pu, m ga nyan ni nimi kitiŋ ki pu ni ye binaagbiib na. Ni ga gir kun ni, ki nan li bi nsuudoon ni; ni ga kan lifuur, le ubaa aan faan nimi.

Jeremia 49:39

Puwɔb na, m ga nan ki cha Elam aanib kan nkam. Min Uwumbɔr le len kina.”

Jeremia 49:6

“Tɔ, m ga nan ki cha Amonn aanib kan nkam. Min Uwumbɔr le len kina.”

Esekiel 36:11

M ga cha binib ni tiwakor moo pɔr kpee. Ni ga wiir jer n‑yaayoonn na, le ki ga kan mbim pam. M ga cha ni li koo nima chee ke naah nan koo pu na, ki ga cha ni kan liwangol ki jer naah kaa kee kan pu na. N‑yoonn ngbaan le ni ga bee ke min le ye Uwumbɔr.

Amos 9:14

Le m ga giin ni maanib baatiŋ ni, le bi ga ki gir maa baatim mu nan ber doo na ki koo mu ni. Bi ga ŋum ndaan aasubil aasui ki nyu ŋaadaan, ki ga ko ikpaakon ki ji yaajikaar.

Sekaria 1:12

Le ntuun ngbaan bui ke, “Uwumbɔr Mpɔɔnsakpiindaan, saaŋuul nan fii Jerusalem ni Juda aatim pu ki ti saa ŋibin imonko itaa ni kipiik le na. Bayoonn aan aa ga san mu kinimbaak?”

Sekaria 1:16

Kina pu le m gir ni Jerusalem aatiŋ ni ke m nan mɔk ki maanimbaasaln. Maadichal ga ki gir sil, le bi ga ki gir maa kitiŋ ngbaan.”

Sekaria 12:6

“N‑yoonn ngbaan kan, m ga ŋa Juda aataŋaal ke kichook ni aamii na la, bee mmii mu bi njikaabim mu kuur na aakpaab ni pu na la. Bi ga kuln ŋitimbol ŋi mɔmɔk mann goln bi na. Jerusalem aanib ga li bi lifuur ni, baatiŋ ponn ni.

Sekaria 12:7

“Min Uwumbɔr le ga puen di linyaŋ tii Juda aajab. Kina kan, liyimbil li ubɔr David aayaabitiib ni Jerusalem aanib ga kan na, aan jer Juda yaab bi gur na.

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.