Jeremia 30:17 - Uwumbɔr aagbaŋ

¹⁷ Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 30:17 ပူးပေါင်းရင်းမြစ်များ

Job Aagbaŋ 5:18

Uwumbɔr poo ibuun i u tii na; uma aaŋaal le tii si titotonn, le ki ki tii si laafee.

Ilahn 103:3

U cha pinn mi maatunwanbir, le ki sɔŋni maaween mɔmɔk.

Ilahn 107:20

U nan di waamɔboln le tii bi laafee, ki nyan bi nkun ponn ni.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 142:4

M yaa fenn lik nsikakl mɔmɔk kan, ubaa aa bi ki ga ter mi, ubaa aa bi ki ga li kii mi, ubaa aatafal aa bi m ni.

Ilahn 23:3

U tii mi limɔfapɔln, le ki mɔk mi isan i ŋan na, waah nan puu pu na.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 33:24

Timi aatiŋ ni aanii ubaa aan ki bui ke u bun, le Uwumbɔr ga di timi aatunwanbir mɔmɔk cha pinn timi.

Aisaya 54:6

Israel aatimbol, aa naahn upiisapɔɔn u aachal san cha u aan ilandak joo u na la. Le Uwumbɔr di si giin ni u chee ki bui ke:

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Aisaya 57:18

“M kan baah ŋa pu na, m mu tee ga tii bi laafee. M ga loln bi pu nsan ki ter bi, ki ga sɔŋ binib bi wii na aasui.

Aisaya 57:19

M tii binib bi duun na, ni binib bi dandar na mɔmɔk nsuudoon. M ga tii maanib laafee.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Aisaya 60:15

Ubaa aan ki lik si fam, kaan ki li nan si, kitiŋ ki baanib nan san cha ki aan ki ye tilangbenn na. M ga tii si mpɔɔn ni kinyaan nin chee mmɔɔn ga li bi n‑yoonn mɔmɔk na.

Jeremia 10:20

Timi aagban aaboo ber a; iŋmin i nan joo ŋi na kii a. Timi aabim mɔmɔk buen a; ubaa aa ki bi ki ga ki fiin timi aaboo; ubaa aa ki bi ki ga di ŋaabisamɔi aakeken leen.”

Jeremia 17:14

Uwumbɔr, tii mi laafee aan m pɔɔk kookoo; gaa mi lii aan m kan limɔfal. Sin le m pak.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Jeremia 30:13

Ubaa aa bi ki ga li joo nimi, nnyɔk aa bi ki ga cha nimi aabuun yann, naa kpa limakl ke ni ga sɔŋ.

Jeremia 33:24

“Saa kan binib aah bi len ke m yii ŋidichal ŋilee, ŋi ye Israel ni Juda aanib bi min mbaa nan lee bi na aa? Kina pu le bi lik maanib fam, kaa ki kahn bi sakni ŋitimbol ni.

Jeremia 33:6

Tɔ, m tee ga tii kitiŋ kee, ni kaanib lifuur, ki cha bi ki li kpa laafee. M ga tii bi nsuudoon mu ga yunn na, ni ŋŋmarm.

Jeremia 8:22

Inyɔk aa bi Gilead aatiŋ ni ii? Bi teei binib na aa bi nima chee ee? Tɔ, ba ŋa ubaa aa ŋmaa tii maanib laafee?

Inandalahn 2:15

Binib bi jer kitiŋ ngbaan chee na lik ki, le ki laa ki. Bi gbakr biyil le ki laa Jerusalem aatiŋ, le ki baa ke, “Kitinyaan na le na aa? Kitiŋ ki nan ye dulnyaa mɔmɔk aamakl na le na aa?”

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Esekiel 35:12

N‑yoonn ngbaan le aa ga bee ke min Uwumbɔr nan ŋun saah di lik‑seen bui ke Israel aajoo ŋa nkuun, ki ye sin yaan ke aa di nab na.

Esekiel 36:20

Baah nan buen nin chee mɔmɔk na, bi nan jinn maayimbil li bi chain na inimɔɔn la; ba pu? binib nan len le ke, ‘Uwumbɔr aanib sɔ, tɔ, ni nan ŋa ke bi nya waatiŋ ni.’

Hosea 11:3

Tɔ, m mu le nan mɔk Israel lisachuln. M yoor maanib ŋmam ŋŋaal ni, le baa nyi ke min le joo bi.

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

Tibɔkpiirkaan 22:2

Le limɔfal aasui si limɔɔl ngbaan aapepel mɔmɔk ŋilee pu, le ki lu ŋisubil libiln ponn ni nfum kipiik ni mulee, uŋmal uŋmal ponn ni. Isui ngbaan aafar le tii ŋinibol mɔk laafee.