Jeremia 30:16 - Uwumbɔr aagbaŋ

¹⁶ Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 30:16 ပူးပေါင်းရင်းမြစ်များ

Ilahn 129:5

Cha bi nyaŋ ki jenn giin unii umɔk kaa gee Sionn aatiŋ na.

Nnyam 23:22

Tɔ, ni yaa kii waamɔbon ki ŋa maah ban pu na kan, m ga to nimi aadim butɔb tii nimi.

Ŋiyataŋak 22:23

Uwumbɔr le ga len baabɔr tii bi, ki ga ku binib bi ban bi ku bi na.

Aisaya 14:2

Ŋitimbol pam le ga ter Israel yaab aan bi ki gir ni kitiŋ ki pu Uwumbɔr nan di tii bi na, le ŋitimbol pam ga li ye Israel yaab aanaagbiib ki tun lituln tii bi. Israel yaab ga ki nyaŋ binib bimɔk nan nyaŋ bi ki chur bi tinaagbiir na; le Israel yaab ga li gur joo binib bi nan muk bi na.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 54:15

Unii yaa tak si kan, maa nyi udaan aabɔr; unii umɔk ban si kijaak na ga lir.

Aisaya 54:17

Le tijawan nibaa aan ŋmaa tii si titotonn; aa ga li kpa ngarm ki tii unii umɔk galn si na. M ga li si maatutum aapuwɔb ki tii bi linyaŋ.” Uwumbɔr le len kina.

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 12:14

Uwumbɔr nan bui ke, “M kpa tibɔr tibaa m tuk binib bi ka maanib Israel yaab chee aan ki kuln kitiŋ ki m nan di tii bima Israel yaab na. M ga nyan bibiindam ngbaan baatim ni ke baah chuu ŋɔb busub pu na la, le ki gaa Juda aanib bi chee lii.

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Jeremia 25:12

Nee aapuwɔb le m ga daa Babiloŋ aatiŋ ni kaabɔr aatafal baatunwanbir pu. M ga kuln kitiŋ ngbaan ki cha ki kpaln tilangbenn ki ti saa n‑yoonn mu kaa kpa ndoon na.

Jeremia 30:15

Nnyɔk aa bi ki ga tii nimi laafee, kina pu na, taa ki len nimi aatotonn aabɔr man. Nimi aatunwanbir aah wiir aan nimi aabiin mu nyaŋ sakpen pu na le m daa nitafal kina.

Jeremia 50:28

Tɔ, bikusam nan san nyan ni Babiloŋ ki dan Jerusalem, ki nan len Tidindaan Uwumbɔr aah teen Babiloŋ yaab baah nan tun Waadichal pu pu na.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Inandalahn 1:21

Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Inandalahn 1:22

Cheer bi baabiin na mɔmɔk pu. Daa bitafal ke saah daa ntafal maatunwanbir pu pu na. Falaa ponn ni le m ker idun, le ni ye nsui ni iween.”

Esekiel 29:6

N‑yoonn ngbaan le Ijipt aanib mɔmɔk ga bee ke min le ye Uwumbɔr.” Uwumbɔr nan ki len ke, “Israel yaab nan mak nimi Ijipt yaab pu le ke ni ter bi, ni mu nan bi ke likal li kaa pɔɔ na la.

Esekiel 35:5

“Aa nan ye Israel aatiŋ aadin n‑yoonn mɔmɔk la, le ki cha binib ku kaanib kaabɔbir aayoonn mu nan ye kaatunwanbir aakookoo aatafadaan na.

Joel 3:8

le ki cha binib di nijapɔtiib ni nibisatiib kooh tii Juda yaab; le bi mu di bi kooh tii Seba yaab bi bi dandar na. Min Uwumbɔr le len kina.

Maika 4:11

Ŋitimbol pam le kuun ni ke ŋi nan tak nimi. Bi bui ke, “Ti ga bii Jerusalem aatiŋ doo. Ti ga kan ke kitiŋ ngbaan bii doo.”

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Nahum 1:8

U kuln waadim ke nwam mu san mala mala na la; u ku binib bi kpak u na la.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.

Sefania 2:8

Uwumbɔr Mpɔɔnsakpiindaan bui ke, “M ŋun Moab yaab ni Amonn yaab aah seei maanib ki bii bi pu, ki kpa kipupuk baah ga gaa baatiŋ pu na.

Sekaria 1:14

Le ntuun ngbaan bui mi ke m di Uwumbɔr Mpɔɔnsakpiindaan aah len pu na moon ke: “M gee Jerusalem sakpen, le ntafal bi maatiŋ ki bi chain na ni,

Sekaria 1:15

le maaŋuul fii ŋitimbol ŋi kpa kigaak ki bi nsuudoon ni lifuur ni na pu sakpen. Buyoonn m nan laa joo maaŋuul ke li taa pii maanib na, le ŋitimbol ngbaan nan cha maanib aafalaa moo nyaŋ.

Sekaria 12:2

“M ga ŋa Jerusalem ke kidayikuuk na la. Ŋitimbol ŋi mann goln ki na ga nyu, le ki chuun gbeer ke bidagbiib na. Le bidim yaa nan gob Jerusalem kan, bi ga gob Juda aatim mu mɔmɔk gur na.

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Sekaria 2:12

Juda aapepel ga ki gir ŋa Uwumbɔr aawankpaan ki bi waatiŋ ki bi chain na pu, le Jerusalem li ye kitiŋ ki u gee jer ntim muken na.

Sekaria 2:8

Uwumbɔr Mpɔɔnsakpiindaan u kpa kipak mɔmɔk na di tibɔr timina tun mi ŋitimbol ŋi nan jan ki gaa waanib aawan na chee ke: “Unii umɔk faa maanib na faa tiwan ni m gee sakpen ke nnimbil na la.

Ikaal 30:7

U ga cha ntafadaan ngbaan fenn lir nimi aadim bi nan nimi ki muk nimi na pu.

Tibɔkpiirkaan 13:10

Binib bi Uwumbɔr len ke bi ga chuu bi tinaagbiir na, bima le bi ga chuu bi tinaagbiir. Unii umɔk joo kijaak aajuk ku binib na, kijaak aajuk le ga ku u mu. Nima le cha ni ŋan ke Uwumbɔr aanib li ban limɔr ke bi dii Uwumbɔr mbamɔm.”

1 Samuel 17:53

Israel yaab aah gir ni na, le bi ti yoor Filistia yaab aawan, baah nan kuun ka nin chee na.