Jeremia 30:15 - Uwumbɔr aagbaŋ

¹⁵ Nnyɔk aa bi ki ga tii nimi laafee, kina pu na, taa ki len nimi aatotonn aabɔr man. Nimi aatunwanbir aah wiir aan nimi aabiin mu nyaŋ sakpen pu na le m daa nitafal kina.

Jeremia 30:15 ပူးပေါင်းရင်းမြစ်များ

Esra 9:13

Timi Aawumbɔr, saah ŋa timi tiwan mɔmɔk ki daa titafal pu na, ti nyi ke saa daa titafal ki ŋeer timi aatunwanbir, le ki cha ti ponn ni siib ŋmar.

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Job Aagbaŋ 34:6

U baa le ke, “M ga ŋa kinye ki gii nnyamɔn, ki bui ke m tun taani? Maa tun titunwanbir, le ki mu tee kan iweenkpaan.”

Ilahn 107:17

Binib bibaa nan ye bijɔrb, le ki ji baatunwanbir aafalaa le baabiin aatun pu;

Aisaya 1:6

Nimi aawon mɔmɔk buŋ la. Nimi aawon mɔmɔk ye ibuun ŋmeen ke ubusoondaan na la, le naa char i, kaa di nkpan mubaa di meen i, kaa di nibaa poo biin i pu.

Aisaya 5:2

U nan kuun ŋitakpal le ki kon ki ŋum isui i lu ŋisubil ŋi ŋan na ki ponn ni, le ki maa libimbifɔfɔŋ ke bi li ka li paab ki kiir kisaak na, le ki gbii libuul litakpasakpeln ni, li bi ga di ŋisubil ŋa li ponn ni na aan ki ŋmaa ŋaanyun nyan na; le ki kii buyoonn ŋisubil ga puir na; le ŋisubil na mɔmɔk nan mɔɔn la.

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 15:18

Maan li ŋmaa bi ji falaa kina ki cha. Ba ŋa maabuun aa ŋmaa yann? Ba ŋa yaa ŋmaa yann? Aa ban ke aa jinn mi inimɔɔn ke nkpen mu foor kitakuuk na la aa?”

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 30:12

Uwumbɔr ki bui waanib ke, “Nimi aabuun aa kpa ke i yann, nimi aatotonn aan doo.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 30:17

Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 46:11

Ijipt aanib, li cha man Gilead aatiŋ ni ki ti ban inyɔk. Nimi aanyɔk mɔmɔk ye fam la; nibaa aan ŋmaa tii nimi laafee.

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Inandalahn 1:5

Kaadim nyaŋ ki; ki gur bi baapɔɔn ni la. Uwumbɔr le cha ki jin falaa kaatunwanbir sakpenn pu; Bi chur kaabim ki di bi buen a.

Inandalahn 2:13

Jerusalem aatiŋ ki m gee ki na, m ga len ke ba? M ga ŋa kinye ki sɔŋ aasui? Ubaa aa kee jin falaa umina aaboln. Saabɔbir aa kpa timɔk ke nnyusakpem na la; limakl aa ki bi nibaa chee.

Inandalahn 3:39

Taah kpa limɔfal pu na, Uwumbɔr yaa daa titafal kan, naa ŋan ke ti ki len tibaa.

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Maika 1:9

Samaria yaab aabuun aan yann, le Juda yaab mu ga kan kina aaween dandana; libiil fuu ni Jerusalem aatiŋ ni nin chee maanib koo na aabisamɔi ibaa ni.”

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Nahum 3:19

Nnyɔk aa bi ki ga sɔŋ saatotonn ti aa kan na, le saabuun ngbaan aan yann. Binib bi mɔmɔk ŋun saah bii doo pu na gbaa tinyɔpur mpopiin pu la. Unii ubaa nan ŋmaa ŋmar saabiin mu kaa nan kpa ndoon na ni ii?