Jeremia 3:9 - Uwumbɔr aagbaŋ

⁹ kaa nan san inimɔɔn kpala. U nan bii kitiŋ ngbaan, le ki dooni ŋitakpal ni isui.

Jeremia 3:9 ပူးပေါင်းရင်းမြစ်များ

Aisaya 57:3

Nimi titunwanbirdam, dan do man aan Uwumbɔr nan ji nimi tibɔr. Nimi ni bibɔɔb, ni bidagoob, ni pateer tiib ye tiwanbaan la, ubaa aa jer uken.

Aisaya 57:6

Ni yoor ŋitakpal ŋi ŋan na nima chee, le ki ti dooni ŋi ke ŋi ye nimi aawaa. Ni bar ndaan kpir ŋi pu ke ni tii ŋi ipiin la, ki tii ŋi njikaabim mu aapiin. Ni dak ke nsui piin nimina mɔmɔk pu uu?

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 16:18

M ga cha bi pa paan baatunwanbir ni baabiin pu nfum mulee, ba pu? bi di ŋiwaa ŋi kaa fu ke linikpol na bii maatiŋ, le ki di ŋiwaa ŋi ye tiwan ni maa gee ŋaabɔr na gbiin ki ponn ni.”

Jeremia 2:27

Sin u bui ke aate ye busub, le litakpal mu ye aana na ga ji inimɔɔn. Naah fenn nipuwɔb tii mi, kaa fenn ki dii mi pu na, le ga cha kina ŋa. Le ni yaa tee bi tibɔr ni kan, ni bui ke m dan nan gaa nimi lii.

Jeremia 2:7

M nan joo ni bi kitiŋ ki nyuun na pu, ke bi nan ji kaajikaar ni kaawamɔɔn mɔmɔk. Le bi labr ki ŋa maatiŋ tijɔŋ; bi bii kitiŋ ki m nan di tii bi na.

Jeremia 3:2

Lik ŋigongon paab man. Nibaa chee aa gur aan naa tun lituln ke udagoor na. Ni nan sii nsan chee ki kii nibɔtiib, ke nteersakpiin ponn ni aanib aah sii pu ki kii ubaa ke bi ku u na la. Ni di nimi aadagook bii kitiŋ kee.

Esekiel 16:17

Aa nan di maah tii si tikunabr ni salmaa u na ŋa ŋiwaa ŋi naan bijab na ki dooni ŋi ki cha mi Uwumbɔr.

Esekiel 23:10

Bi nan gbabr u ki cha u uŋmeen, ki gaa ujapɔtiib ni ubisatiib, le ki di kijaak aajuk ku u. Ŋipepel mɔmɔk aapiib nan len waadoon ngbaan aabɔr.

Esekiel 23:21

Tɔ, Oholiba, aa ban ke aa ki gir teer saaninsuwan ni aa nan cha bijab joo saabii gbiir, aan aa ti bee uja buyoonn aa nan ye usapɔɔn Ijipt aatiŋ ni na la.

Esekiel 23:3

Baah nan laa ye nsapɔmbim ki koo Ijipt aatiŋ ni na, le bi bee bijab ki kpaln bidagoob.

Hosea 2:2

Maabim, nina aa ki ye mpuu, le u mu aachal aa ki ye mi, tɔ, ni mu tee gaŋ u man. Gaŋ u ke u di cha kidagook.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Joel 1:19

Uwumbɔr, m wii mpɔɔn pu ki yin si la, ba pu? timoor ni isui mɔmɔk kuur, ke mmii le aah wun ni mɔmɔk na.

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.

Matiu 5:32

Min le tuk nimi ke upii yaa kaa gɔr kidagook kan, uchal yaa jenn u lii kan, u ŋa u upiidagoor le na. Uja u yoor baah jenn upii u lii na mu ye udagoor la.”