Jeremia 3:8 - Uwumbɔr aagbaŋ

⁸ Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Jeremia 3:8 ပူးပေါင်းရင်းမြစ်များ

2 Bibɔrb Aabɔr 21:11

U nan kpaan maa baah dooni ŋiwaa nin chee na Juda aagongon aatim ni, ki cha Juda ni Jerusalem aanib tun Uwumbɔr titunwanbir.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 33:24

“Saa kan binib aah bi len ke m yii ŋidichal ŋilee, ŋi ye Israel ni Juda aanib bi min mbaa nan lee bi na aa? Kina pu le bi lik maanib fam, kaa ki kahn bi sakni ŋitimbol ni.

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Esekiel 16:46

“Aakpel upol le ye Samaria aatiŋ ki ni kaatimbim bi ŋŋangan wɔb na. Aanaal le ye Sodom aatiŋ ki ni kaatimbim bi ŋŋangii wɔb na.

Esekiel 16:47

Aasui nan piin ke aa di aataa taŋ baataa ni, ki li tun ŋitun ŋi sukr ponn ni na aa? Aayii, naa nan yunn le aa nan tun kina aatun ki jer baah nan tun pu na, saatuln mɔmɔk ni.”

Esekiel 16:51

“Samaria aatiŋ aa nan tun saah tun titunwanbir ti na aageln libaa. Aa tun ŋitun ŋi sukr ponn ni ki jer Samaria aatiŋ aah nan tun pu na pel pel. Saatun yɔl yɔl ngbaan cha aanaabitiib bi aa chee ke baah kaa tun taani kpala le na.

Esekiel 23:44

Bi nan gir chaa bipiidagoob ngbaan chee. Bi nan gir chaa Ohola ni Oholiba bi ye bipiininsum na chee.

Esekiel 23:9

Kina pu le m nan di u tii waah nan gee ubɔtiib Asiria yaab bi sakpen na.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Ikaal 24:1

“Uja yaa yoor upii le ki nan kan ke waabimbin aa ŋan, waa ki gee u kan, u ga ŋmee kigbaŋ ponn ni ke u jenn u, ki di tii u, le ki nin jenn u lii, ki nyan u udo.

Ikaal 24:3

aan u mu ki kan mbimbin mubaa upii ngbaan ni, ki mu ŋmee kigbaŋ tii u, ki jenn u lii, ki nyan u udo, bee uchal leler ngbaan yaa kpo kan,