Jeremia 3:3 - Uwumbɔr aagbaŋ

³ Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 3:3 ပူးပေါင်းရင်းမြစ်များ

Mpiin 19:34

Naah woln kitaak na, le upol ngbaan bui unaal ke, “M fe doon tite chee kinyeek na; cha ti ki tii u ndaan aan u gbii, nima kan, aa mu ga ŋmaa doon u chee kinyeek kee, aan ti mɔmɔk dek ki maa mbim tii tite.”

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Ŋiyataŋak 21:29

Bininyaam nyi bibaa aabɔr; le bibiindam ma pɔɔni bibaa ki ŋmanni baah kaa ye pu na.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Jeremia 14:1

Uwumbɔr bui mi nweel aabɔr ke,

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 14:3

Biwankpadam na tun baanaagbiib ke bi ti lu ni nnyun; le bi buen ŋibun ni, kaa ti kan nnyun; le ki tu ŋibukuun gir ni. Bilan ŋmal, le bitaakpab yɔl, le bi bɔrni.

Jeremia 14:4

Utaal aah kaa nun aan kitiŋ kuur na, bikpaab aasui bii, le bi bɔrni.

Jeremia 36:2

“Ban kigbaŋ ki ŋmee maah tuk si Israel, ni Juda, ni ŋitimbol mɔmɔk aabɔr ti na ŋa ki ponn ni. Ŋmee maah nan piin bundaal ki len aa chee tibɔr na, buyoonn Josia nan ye ubɔr na, ki nan saa din wee na.

Jeremia 5:24

Naa ŋa nlandak daalbaadaal ke ni nyuŋ mi, hali maah tii nimi useetaal ni utakuutaal mɔmɔk pu, ki tii nimi lijikaacheel aayoonn pu libiln mɔmɔk na, naa nyuŋni mi.

Jeremia 5:25

Le nimi aatunwanbir cha nimina mɔmɔk nyan niŋaal ni.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Jeremia 9:12

Le m baa ke, “Uwumbɔr, ba ŋa kitiŋ bii ki kuur ke nteersakpiin na, le ubaa aa ki chuun nima chee? Ŋma kpa nlan ki ga ŋmaa bee nimina aatataa? Ŋma aan aa kpiir mɔk ke u di tuk biken na?”

Esekiel 3:7

le Israel aanii ubaa aan li ban ke u pel; baan kpaan pel min mbaa chee kpala. Bi mɔmɔk kpa tafalaaŋun le ki ye bimɔyiib.

Liifai Yaab 26:19

M ga bii nimi aatafalaaŋun aagaak ki ni kpa na; le utaal aan ki nu, kitiŋ ngbaan ga kuur ki pɔɔk ke tikur na.

Amos 4:7

Min le nan chuu utaal buyoonn nimi aajikaar nan ban utaal sakpen na. M nan cha utaal nu kitiŋ kibaa ni, kaa nu kiken ni. Utaal nan nun bukpaab bubaa ni, le buken ma kuur.

Amos 4:8

Binib nan di nnyunyuu ki nyan kitiŋ kibaa ponn ni, ki buen kitiŋ kiken ponn ni, ki dak ke nnyun bi nima, le bi mɔmɔk aa ti ŋmaa kan bi nyu. Nimina mɔmɔk mu aa cha ni gir ni m chee.

Sefania 2:1

Ŋa nlan, sin maasanimɔɔn aatimbol,

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Hagai 1:11

Min le cha nweel dan kitiŋ ngbaan pu, ni ŋigongon, ni njikaabim aasar pu, ni ndaan aasubil aasui aasar pu, ni olif aakpan aasui aasar pu, ni tijikaar ti kitiŋ ga ŋmaa cha ti ŋa na pu, ni binib ni tiwakor pu. Mu dan tiwan ni mɔmɔk ni pɔɔn nibaa ke ni ko na pu.”

Ikaal 28:23

Utaal aan nu nimi aatiŋ ni, le kitiŋ kuur ki pɔɔk ke tikur na.

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.