Jeremia 3:25 - Uwumbɔr aagbaŋ

²⁵ Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 3:25 ပူးပေါင်းရင်းမြစ်များ

Ilahn 106:6

Ti tun titunwanbir ke tiyaajatiib aah tun pu na la; ti kpa mbiin le ki ye titunwanbirdam.

Ilahn 106:7

Tiyaajatiib aah nan bi Ijipt aatiŋ ni na, baa nan bee Uwumbɔr aatukpaan aatataa; bi nan suln waah mɔk bi waageehm kaa ti ki nyi mumɔk pu na, le ki yii waamɔb Limɔɔkal Aanyusakpem na chee.

Ilahn 109:29

Cha maadim kpaln inimɔɔn aanib; cha inimɔɔn li ye baawanpeenkaan.

Ŋiyataŋak 13:18

Unii u kaa gee ke u bae na ga li ye ugiin ni unimɔɔnii la. Unii umɔk gaal nsurm na kani kipak la.

Ŋiyataŋak 5:13

M nan yii kaa ŋun tii binib bi nan mɔk mi na. Maa nan pel baamɔbon,

Aisaya 48:8

M nan nyi ke naa ye binib bi unii ga gaa nimi ki kii na, ke unii mɔk nyi ni pu, ke ni ye binib bi kaa kii tii biken na la. Kina pu le naa ŋun kina aabɔr, nima le cha nitafal aa cheen kina aabɔr daalbaadaal.

Aisaya 50:11

Nimi bi mɔmɔk dak ke ni bii biken doo na, nimi nibaa aalandak ngbaan le ga doo nimi. Uwumbɔr ubaa le ga cha kina ŋa; ni ga ji falaa sakpen.

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 12:13

Maanib nan bun imuul, le ki tee nan chee timoor; bi nan tun le kitotoŋ nyan, le kaa nan kan nibaa. Maaŋuusakpeln pu le baajikaar aa ŋa.”

Jeremia 14:20

Uwumbɔr, ti tun si titunwanbir; ti kpiir timi tibaa aatunwanbir pu le ki kpiir tiyaajatiib aatunwanbir mu pu.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 2:26

Uwumbɔr bui ke, “Nimi Israel aanib, ni nimi aabɔrb, ni bininkpiib, ni nimi aatotoorb, ni bibɔnabtiib mɔmɔk ga ji inimɔɔn ke baah chuu unaayuk kan, u ji inimɔɔn pu na la.

Jeremia 20:18

Bi nan ma mi ke m nan ŋa ba? Bi nan ma mi ke m nan li bi tibɔr, ni kinimbaak ŋmeen ni, le ki ti kpo nnimɔɔnkun aa?

Jeremia 22:21

Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 31:19

Ti nan fenn tipuwɔb tii si, le naa yunn le ti ki ban ke ti gir ni. Saah nan daa titafal na aapuwɔb, le ti nan ka tii tiyil mpombiin pu. Ti nan jin inimɔɔn, ba pu? taah nan laa ye mbim pu na le ti nan tun titunwanbir.

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Jeremia 7:19

Tɔ, min le bi sil tii titotonn aa? Aayii, bibaa le bi tii titotonn, ki joo ni inimɔɔn bibaa pu.

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Jeremia 9:18

Le binib ngbaan bui ke, “Bui bi ke bi ŋa mala ki gaa nkpolahn tii timi, aan tinyunyunn ti gbiin tinimbil ni, aan tinimbil aagban sɔŋ ikpowiil pu.”

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Inandalahn 5:7

Tiyaajatiib le nan tun titunwanbir, le kaa ki bi din wee, le timi le bi ji baatunwanbir ngbaan aafalaa.

Esekiel 2:3

“Unibɔn, m tun si Israel aanib chee la. Bi nya mpuwɔb ki nyan sil m pu, ki beenin ye binib bi yiir maamɔb ke biyaajatiib aah nan bi pu na.

Esekiel 36:32

Israel aanib, m ban ke ni li nyi ke naa ye nimi pu le m ŋani nimina. M ban ke ni ji inimɔɔn naah ŋani tiwan ni pu na la. Min Nidindaan Uwumbɔr le len kina.”

Esekiel 44:13

Baa kpa nsan ke bi tun lituln li ye chain m chee na, kaan koo Chain Chain Aapepel ni. Baah tun ŋitun ŋi sukr ponn ni na aatafadaan le na.

Esekiel 7:18

Bi ga peen tiwan ni saak kuub na, le biwon gbaa tɔtɔk. Biyil ga li ye ŋiyikun la, le bi mɔmɔk ga ji inimɔɔn.

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Rom Yaab 6:21

Ni yaa teer naah tun titunwanbir ti na kan, ni jinni nimi inimɔɔn dandana wee la. Tinyoor nan bi titunwanbir ngbaan ni ii? Aayii. Titunwanbir ngbaan aadoon ye nkun la.

Bibɔjirb 2:2

Ni taa puu tipuur tibaa tii binib bi koo kitiŋ kee ponn ni na. Ni ber baawaa aatork aabimbin.’ Le ni yii, kaa ŋa maah tuk nimi pu na. Maah tuk nimi ke ni taa ŋa pu na le ni tee ŋa.