Jeremia 3:22 - Uwumbɔr aagbaŋ

²² Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Jeremia 3:22 ပူးပေါင်းရင်းမြစ်များ

Solomonn Aalahn 1:4

Yoor mi, ki cha ti san; li ye maabɔr, ki di mi buen saadiik ni. Ti ga li kpaan koo le ni mɔ timi, ki ga nyu ndaan taah gee pu na, le ki mɔk tɔb taah gee tɔb pu na. Ni sil ye mbamɔn ke upii mɔk gee si.

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 31:6

Uwumbɔr ki bui ke, “Israel aanib, ni tun mi taani kaa si mpuwɔb; gir ni m chee man.

Aisaya 57:17

Baatunwanbir ni baakumɔŋ pu le m nan gee bi pu liŋuul, le ki nan daa bitafal ki san cha bi. Le baa nan kpeln, ki beenin dii baasan.

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 30:17

Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 31:18

M ŋun Israel aanib aasui aah bii aan bi len pu na ke, Uwumbɔr, ti nan bi ke kiwakork ki bi timoor ni na la; le aa nan mɔk timi taah ga kii tii si pu na. Giin ni timi; ti gor ke ti gir ni sin Tidindaan Uwumbɔr chee.

Jeremia 33:6

Tɔ, m tee ga tii kitiŋ kee, ni kaanib lifuur, ki cha bi ki li kpa laafee. M ga tii bi nsuudoon mu ga yunn na, ni ŋŋmarm.

Jeremia 4:1

Uwumbɔr bui ke, “Israel yaab, ni yaa ban ni fenn kan, ni fenn dan m chee. Ni yaa di cha nsan mu kpa tijɔŋ na ki kii maamɔb kan,

Esekiel 18:30

“Tɔ, min Nidindaan Uwumbɔr le tuk nimi Israel yaab ke m ga ji ni mɔmɔk tibɔr udaan aah tun pu na la. Fenn nipuwɔb tii nimi aatunwanbir ti mɔmɔk ni tun na ki taa cha nimi aatunwanbir kuln nimi.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Hosea 14:5

M ga li bi Israel aanib chee ke utaal aah bi pu kitiŋ ki kuun na chee pu na la. Bi ga pɔnn ke nsupuun na la; bi ga chɔbaan ke Lebanonn aatiŋ aasui na la.

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”