Jeremia 3:19 - Uwumbɔr aagbaŋ

¹⁹ Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Jeremia 3:19 ပူးပေါင်းရင်းမြစ်များ

Ilahn 106:24

Le bi nan yii mmɔɔn aatiŋ; ba pu? baa nan pak ke Uwumbɔr ga ŋa waah puu tipuur ti na.

Ilahn 16:6

Saah tii mi ipiin i na kpa iwaan; i ŋan sakpen a.

Ilahn 89:26

U ga bui mi ke, ‘Sin le ye nte, ni Maawumbɔr; sin le ye maakikiir, sin le ye u gaal mi lir na.’

Ŋiyataŋak 3:35

U ga tii bilandam liyimbil li nyuun na, le ki ga di inimɔɔn kpee bijɔrb, baajɔrk pu.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Aisaya 64:8

Uwumbɔr, sin le ye tite. Timi le ye tiyakr, le aa ye uyakmaal. Sin le naahn timi,

Jeremia 12:10

Biyidam bi ye biwɔwɔm na pam le bi maasubil aasaak ni; bi taa taa maajikaar bil kitiŋ; bi cha maatiŋ ki nan ŋan sakpen na kpaln nteersakpiin.

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 3:4

“Le ni bui mi dandana wee ke, ‘Aa ye tite la, le taah nan ye mbim pu na, aa nan gee timi, ki beenin gee timi.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Daniel 11:16

Siria aabɔr ngbaan ga ŋa bi waah gee pu na, le ubaa aan ŋmaa sil kiir u. U ga sil Kitiŋ ki Ŋan na ni, ki ga li kpa mpɔɔn ki u kuln ki.

Daniel 11:41

U ga kpaan loon Kitiŋ ki Ŋan na mu, ki ku binib ŋichur ŋichur, le Edom, ni Moab, ni Amonn aatim aanib bi gur siib na ga san ŋmar.

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”

Daniel 8:9

Iyiin inaa ngbaan ponn ni mubaa pu le n‑yiin waatiir mubaa nan ki nyan ni, le mu aapɔɔn nan ti saa ŋŋangii, ni liwipuul, ni Kitiŋ ki Ŋan na ni.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Galantiya 3:26

Nimi bimɔk gaa Yesu Kristo ki kii na, u pu le ni ye Uwumbɔr aabim.

Efesusi 1:5

Taah kpaan Yesu Kristo chee na, le Uwumbɔr ŋa timi waabim. N‑yaayoonn na, u nan nyan timi ke ti li ye waabim. Nima le ye waageehn, ki ye waah ban pu na.

Ikaal 14:1

“Ni ye Nidindaan Uwumbɔr aanib la. Nima pu na, nimi aanii yaa kpo kan, ni taa di kijuk gii niwon nibaa chee, ki mu taa kuu niyigbeer pu aayikpir lii, ke ŋinibol ŋiken aah ŋani pu na.

Hiibru Yaab 10:39

Tima kan, taa ye binib bi gir puwɔb aan ki beer yɔli na. Ti ye binib bi tii Uwumbɔr naadii aan ki ŋmar na la.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.