Jeremia 3:10 - Uwumbɔr aagbaŋ

¹⁰ Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Jeremia 3:10 ပူးပေါင်းရင်းမြစ်များ

2 Bibɔrb Aabɔr 34:33

Ubɔr Josia nan gbaa ber ŋiwaa ŋi sukr ponn ni na, Israel yaab aapepel mɔmɔk ni, le n‑yoonn mumɔk u nan bi limɔfal ni na, u nan cha binib ngbaan dii biyaajatiib Aadindaan Uwumbɔr.

Ilahn 18:44

Biwɔwɔm gbaani nnimbiin ni la; m yaa len kan, bi keei maamɔb la.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Aisaya 31:6

Uwumbɔr ki bui ke, “Israel aanib, ni tun mi taani kaa si mpuwɔb; gir ni m chee man.

Jeremia 11:10

Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 12:2

Sin le naan bi, le bi fii ki kpa inyaan; bi muuni le ki pɔr. N‑yoonn mɔmɔk kan, bi len aa pu tibɔnyaan la, le kaa tee dak aa pu kpala.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Amos 4:9

“M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Malakai 2:11

Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.