Jeremia 29:23 - Uwumbɔr aagbaŋ

²³ Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Jeremia 29:23 ပူးပေါင်းရင်းမြစ်များ

Mpiin 31:50

Labann nan ki bui ke, “Aa yaa ŋa mbisatiib bee bakaa, bee aa yaa ki yoor bipiib kpee bi pu kan, hali m yaa kaa nyi kan, teer ke Uwumbɔr waa si.

Mpiin 34:7

n‑yaayoonn ngbaan le Jakob aajapɔtiib mu nyan ni timoor ni ki kun ni. Baah ŋun ke Sekem ŋa kina na, le ni tii bi mpobiyuk, ki cha baaŋuul fii Sekem pu sakpen, ke waah ŋa pu na, u lik seen Israel yaab sakpen a.

2 Samuel 13:12

Le u bui ke, “Aayii. Taa chuu mi mpɔɔn aan m ŋa inimɔɔn aawan nimina. Ni kpa ijawaan.

Ŋiyataŋak 5:21

Uwumbɔr kani saah ŋani tiwan ni na mɔmɔk. U waa si saasachun mɔmɔk ni.

Jeremia 13:27

U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Jeremia 16:17

M waa tiwan ni mɔmɔk bi ŋani na. Nibaa aa bɔ m chee; nnimbil kani baatunwanbir mɔmɔk.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 23:16

Uwumbɔr Mpɔɔnsakpiindaan bui Jerusalem aanib ke, “Taa pel man bibɔnabr ngbaan aah len pu na; bi joo inyamɔn aamakl le gbiini nimi. Bi tuk nimi bima bibaa aah kal ki dakl pu na la, naa ye min mbaa aah len pu na.

Jeremia 23:21

Le Uwumbɔr bui ke, “Maa tun ni bibɔnabr ngbaan, le bi buen. Maa di maabɔr tibaa tuk bi, le bi len tibɔr maayimbil pu.

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 29:21

“Uwumbɔr Mpɔɔnsakpiindaan, u ye Israel yaab Aawumbɔr na, len Kolaya aajapɔɔn Ahab ni Maaseya aajapɔɔn Sedekia, bi chuun joo waayimbil geei inyamɔn tuk nimi na aabɔr. U len ke u ga di bi ŋa Babiloŋ Aabɔr Nebukadnesar aaŋaal ni, le u ku bi ninimbil ni.

Jeremia 29:31

ke m di Semaya aabɔr tee naŋ tuk binib bi mɔmɔk bi tinaagbiir ni Babiloŋ ponn ni na ke, “Min Uwumbɔr ga daa Semaya ni uyaabitiib aatafal. Maa tun ni u, le u len tibɔr ke waah ye maabɔnabr le na, ki cha ni gaa waah geei inyamɔn i na. Waan li kpa yaabil ni ponn ni. Waah bui maanib ke bi nya mpuwɔb na, waan li bi ki nan kan tiwanyaan ni m ban m nan ŋa tii maanib na. Min Uwumbɔr le len kina.”

Jeremia 5:8

Bi nan bi ke itanja i bi kpiin i mbamɔm aan i ban i jon na la, bi mɔmɔk san ban tɔb aapuutiib la.

Jeremia 7:11

Ni dak ke Maadichal ni ye mbɔbɔryaan nin chee binaayukb ga bɔr na la aa? M kan naah ŋani tiwan ni mɔmɔk na.

Esekiel 35:13

M ŋun saah nan di kiwaatiik, ni kipupuk len m pu pu na.”

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Malakai 2:14

Ni baa le ke ba ŋa? Naah ye pu na le ye ke u nyi ke aa bii tipuur ti aa nan laa ye unachipɔɔn ki puu ti tii upii u aa nan yoor na. Aa ni upii ngbaan nan kpaan la, le aa bii tipuur ti aa nan puu tii u na, ki nyi ke aa nan puu tipuur ngbaan Uwumbɔr aanimbiin ni ke saan nya upuwɔb.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Tibɔkpiirkaan 3:14

“Ŋmee kigbaŋ tii maanib bi bi Laodisea aatiŋ ni na aatuun ke min Yesu u ye mbamɔn, ki len ibamɔn, ki ye Uwumbɔr aah nan naan tiwan ni mɔmɔk na aayidaan na, le len tibɔr timina:

Bibɔjirb 11:10

Bi nan gar ke, “Ti kii. Uwumbɔr le ye timi aaseeraadaan.”