Jeremia 29:17 - Uwumbɔr aagbaŋ

¹⁷ Uwumbɔr Mpɔɔnsakpiindaan len ke, ‘M ban m cha butɔb, ni nkon, ni iween lir bi pu, m ga ŋa bi ke ŋikakan ŋi bur aan baan ŋmaa ŋmɔ ŋi na.

Jeremia 29:17 ပူးပေါင်းရင်းမြစ်များ

Jeremia 27:8

“Litimbol, bee nnaan mubaa yaa kaa kii tii u kan, m ga di butɔb, ni nkon, ni iween daa litafal ki ti saa buyoonn m ga cha Nebukadnesar kuln li pel pel na.

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 43:11

Nebukadnesar ga dan ki nan nyaŋ Ijipt aatiŋ. Maah siin ke iween ku binib bi na ga kpo iween aakun; maah siin ke bi ga di bi buen tinaagbiir ni na mu ga buen, le maah siin ke bi ga kpo butɔb ni na, ga kpo butɔb ni.

Jeremia 52:6

Libiln ngbaan aaŋmanaa aawiin iwae daal, buyoonn nkon nan moo nyaŋ aan tijikaar tibaa aa ki gur binib ji na,

Tibɔnyaan ti Luk ŋmee ti na 21:11

Kitiŋ ga deŋ sakpen ŋipepel ŋipepel. Nkon mu ga lir. Iween mu ga lir, ki ku binib pam ntim ntim ponn ni. Lijinjiir aawan, ni tiwan ni faani binib na mu ga li bi paacham.

Tibɔnyaan ti Luk ŋmee ti na 21:23

N‑yoonn ngbaan, bipiib bi kpa ŋipuu na, ni bipiib bi kpa mbim bi laa ŋaa libiil na ga li kpa kinimbaak; ba pu? Uwumbɔr ga gee liŋuul sakpen kitiŋ ngbaan aanib pu. Bi ga ji falaa pam.

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.