Jeremia 29:13 - Uwumbɔr aagbaŋ

¹³ Ni ga ban mi, le ki ga kan mi, ba pu? ni ga di nisui mɔmɔk le ban mi.

Jeremia 29:13 ပူးပေါင်းရင်းမြစ်များ

1 Bibɔrb 2:4

Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

1 Bibɔrb Aabɔr 22:19

Kina pu na, li dii man Tidindaan Uwumbɔr ni nisui mɔmɔk. Piin man Uwumbɔr Aadichal aamaam, aan ki ŋmaa di Uwumbɔr Aakaal Aadakaa, ni tiwan ni mɔmɔk ye waadoon aawan ki bi chain na siin li ponn ni.”

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 22:9

Bi nan tee mban ki ban Ahasia, le ki ti kan u, u bɔr Samaria aatiŋ ni. Le bi di u buen Jehu chee, le u ku u. Tɔ, uyaaja Ubɔr Jehosafat, u nan pɔɔn ubaa ki dii Uwumbɔr mbamɔm na pu, bi nan sub u. Ahasia aadichal ni aanii ubaa aa nan ki gur ki ga ŋmaa joo nnaan ngbaan.

2 Bibɔrb Aabɔr 31:21

Waah nan joo usui mɔmɔk tii Uwumbɔr ki joo limɔkiir tun Uwumbɔr Aadichal ni aatuln ki dii nkaal mbamɔm na, le u nan nyaŋni waatuln mɔk ni.

Ilahn 119:10

M joo nsui mɔmɔk le pɔɔni mbaa ke m li tun saatuln; taa cha m yii saakaal.

Ilahn 119:145

M yin si ni maalandak mɔmɔk la; Uwumbɔr, pel m chee, aan m dii saakaal.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 119:58

M joo nsui mɔmɔk mee si ke aa san mi kinimbaak ke saah puu ke aa ga ŋa pu na.

Ilahn 119:69

Binib bi kpa kigaak na geei inyamɔn paani mi, le m tee joo nsui mɔmɔk keei tii saakaal.

Ilahn 145:18

U bi duun binib bi yin u ni bisui mɔmɔk na.

Ilahn 32:6

Kina na, binib bi mɔmɔk kii saamɔb na yaa bi tibɔr ni kan, bi mee si; le tibɔr yaa choo bi chee ke nwam na kan, ti taa pii bi.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 3:10

Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Jeremia 50:4

Uwumbɔr nan bui ke, “N‑yoonn ngbaan yaa nan fuu ni kan, Israel ni Juda aanib mɔmɔk ga wii ban mi, Baawumbɔr.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Matiu 7:7

“Ni li mee Uwumbɔr man, le u ga tii nimi. Ni li ban Uwumbɔr chee man, le ni ga kan. Ni li kpaar jaaleŋ man, le u ga piir tii nimi.

Lituln 8:36

Baah bi tɔroku na ponn ni ki cha na, le bi ti fuu nkpen mubaa ni, le ki kan nnyun dɔ. Le uja ngbaan bui Filip, “Lik, nnyun sɔ. Aa ga ŋmaa muin mi nnyun ni dandana wee ee?” [