Jeremia 28:9 - Uwumbɔr aagbaŋ

⁹ Tɔ, ubɔnabr u len ke nsuudoon bi, aan waah len pu na nan gbiin kan, le bi ga bee u ke u sil ye ubɔnabr u Uwumbɔr tun ni u na.”

Jeremia 28:9 ပူးပေါင်းရင်းမြစ်များ

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Jeremia 14:13

Le m bui ke, “Ndindaan Uwumbɔr, aa nyi ke saabɔnabtiib tuk binib ngbaan ke butɔb, bee nkon aan li bi, bi bui bi ke aa nan puu ke nsuudoon baanja le ga li bi timi aatiŋ pu.”

Jeremia 4:10

Le m bui ke, “Ndindaan Uwumbɔr, aa ŋmann Jerusalem aanib kookoo a. Aa bui bi ke nsuudoon ga li bi, le kijaak aajuk ka bineen ni.”

Jeremia 6:14

Bi ŋani ke maanib aabuun aah kaa ye nibaa le na. Bi len le ke, ‘Ni mɔmɔk ŋan,’ le naa ŋan kpala.

Jeremia 8:11

Bi ŋani ke maanib aabuun aah kaa ye nibaa le na. Bi len le ke, ‘Ni mɔmɔk ŋan,’ le naa ŋan kpala.

Esekiel 33:33

Tɔ, saamɔbon mɔmɔk ngbaan sil ga gbiin. Ŋi mɔmɔk yaa nan gbiin kan, n‑yoonn ngbaan le bi ga bee ke Uwumbɔr aabɔnabr nan sil bi bikaasisik ni.”

Ikaal 18:21

“Ni ga baa ke ni ga ŋa kinye ki bee ke ubɔnabr aabɔr ngbaan aa ye Uwumbɔr aabɔr.

Ikaal 18:22

Ubɔnabr yaa nabr tibɔr aan taa nan gbiin waah len pu na kan, taa ye mbamɔn, le ni mɔk ke taa nyan ni Uwumbɔr chee. Ni mɔk ke ubɔnabr ngbaan len ubaa aageehn aabɔr la. Ni taa san u ijawaan.