Jeremia 28:4 - Uwumbɔr aagbaŋ

⁴ M ga giin ni Juda aabɔr Jehoyachinn, u aate ye Jehoyakim na, ni Juda aanib bi mɔmɔk nan buen tinaagbiir ni Babiloŋ ni na. Een, m ga bii Babiloŋ aabɔr aapɔɔn. Min Uwumbɔr le len kina.”

Jeremia 28:4 ပူးပေါင်းရင်းမြစ်များ

Mpiin 27:40

Saajawan pu le aa ga li bi. Aa ga li ye aanaal aanaagbiija la. Le aa yaa yii kan, aa ga nyan uŋaal ni.”

2 Bibɔrb 24:14

Nebukadnesar nan chur Jerusalem aanib mɔmɔk, ni mbɔrbim mɔmɔk, ni bisalolm mɔmɔk tinaagbiir. Bi mɔmɔk nan ti kpaan binib ŋichur kipiik la. U nan chur biwanŋab bi nyi baatuln mbamɔm na mɔmɔk, ki chur bichaab mu tinaagbiir, le ki di cha bigiim baanja Juda aatiŋ pu.

Aisaya 9:4

ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Jeremia 13:19

Bidim gob Juda aatim mu bi ŋŋangii wɔb na; ubaa aan ŋmaa bɔ bijab ni ki ti fuu bi chee. Bi di Juda aanib mɔmɔk buen tinaagbiir ni a.”

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 22:10

Juda aanib, taa wii Ubɔr Josia pu man; taa wii waakpuul man. Li wii ujapɔɔn Joahas pu; bi ga nan chuu u di buen, le waan ki gir ni daalbaadaal, waan ki kan kitiŋ ki pu bi nan ma u na.

Jeremia 22:24

Uwumbɔr nan bui Juda Aabɔr Jehoyakim aajapɔɔn Jehoyachinn ke, “Maah ye Uwumbɔr u bi n‑yoonn mɔmɔk na pu na, hali aa yaa ba ye kibɔmbik ki ŋmaa ŋŋangii aaŋanbik pu na kan,

Jeremia 24:1

Uwumbɔr nan di tibɔɔkur tilee ti gbii ŋikakan na mɔk mi, Waadichal aabisamɔb chee. Ni nan ye n‑yoonn mu Babiloŋ Aabɔr Nebukadnesar nan chuu Juda Aabɔr Jehoyachinn, u aate nan ye Jehoyakim na, ni Juda aayidam, ni baawanŋab, ni binib bi nyi tiwan sakpen na tinaagbiir nyan Jerusalem aatiŋ ni, ki di buen Babiloŋ aatiŋ ni na aapuwɔb la.

Jeremia 24:5

“Min, Uwumbɔr, u ye Israel yaab Aawumbɔr na, di baah nan chur binib bi buen Babiloŋ na ŋaŋ ŋikakan ŋi ŋan na la, m ga ŋa bi tiŋann.

Jeremia 27:8

“Litimbol, bee nnaan mubaa yaa kaa kii tii u kan, m ga di butɔb, ni nkon, ni iween daa litafal ki ti saa buyoonn m ga cha Nebukadnesar kuln li pel pel na.

Jeremia 28:10

Le Hanania chuu inaaja aadɔ i lee nsil na ki kool kool i yuk yuk,

Jeremia 28:2

U nan bui mi bitotoorb ni binib ngbaan mɔmɔk aanimbil ni, ke Uwumbɔr Mpɔɔnsakpiindaan, u ye Israel yaab Aawumbɔr na len ke, “M bii Babiloŋ aabɔr aapɔɔn.

Jeremia 29:1

M nan ŋmee kigbaŋ tii bitotoorb, ni bibɔnabr, ni binib ngbaan aayidam, ni bi mɔmɔk gur aan Nebukadnesar nan nyan bi Jerusalem ki di bi buen tinaagbiir ni Babiloŋ aatiŋ ni na.

Jeremia 29:2

Baah nan chuu Ubɔr Jehoyachinn, ni una, ni libɔrchiln ni aaninkpiib, ni Juda ni Jerusalem aayidam, ni bikpikpiib, ni biwanŋab mɔmɔk di buen tinaagbiir ni na aapuwɔb le m nan ŋmee kigbaŋ ngbaan.

Jeremia 30:8

Uwumbɔr Mpɔɔnsakpiindaan ki bui ke: “Liyaadaal ngbaan yaa nan fuu ni kan, m ga kool inaaja i ko na aadɔ i bi di leen bisil na ki chuu nyan baakululn na mu, le baan ki li ye biwɔwɔm aanaagbiib.

Liifai Yaab 26:13

Min, Nidindaan Uwumbɔr le nyan ni nimi Ijipt aatiŋ ni, ke ni taa ki li ye binaagbiib. Min le nyan nimi mpɔɔn mu nan joo nimi na ni, le ki cha ni chuun aan niyil yaa paacham.”

Nahum 1:13

Dandana wee ma m ga kuln Asiria yaab aapɔɔn mu bi nan kpa ni pu na, ki kii tikululn ti nan buu nimi na.”