Jeremia 28:11 - Uwumbɔr aagbaŋ

¹¹ le ki len binib ngbaan mɔmɔk aanimbil ni ke: “Uwumbɔr bui ke kina le u ga bii Ubɔr Nebukadnesar aadɔ i u di leen ŋitimbol mɔmɔk aasil na; ki joo cha ŋibin ŋilee ponn ni le u ga ŋa kina.” Le m siir.

Jeremia 28:11 ပူးပေါင်းရင်းမြစ်များ

1 Bibɔrb 13:18

Le Uwumbɔr aabɔnabkpok u nyan Betel ni na nan bui u ke, “Min mbaa mu ye Uwumbɔr aabɔnabr ke sin na la; le Uwumbɔr aatuun bui mi ke m nan di si buen linampal ki ti ŋa si tichann.” Tɔ, Uwumbɔr aabɔnabkpok ngbaan nan bi geei la.

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

2 Bibɔrb Aabɔr 18:10

Kenaana aajapɔɔn Sedekia, u nan ye bi ponn ni ubaa na, nan naan tikur aayiin le ki bui Ahab ke, “Uwumbɔr aah len pu na sɔ, ‘Aa ga di nimina le jan Siria yaab kijaak ki nyaŋ bi pel pel.’”

Ŋiyataŋak 14:7

Nyan aabaa bijɔrb chee; baa kpa nibaa ki ga mɔk si.

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 23:17

Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Jeremia 29:9

Bi joo maayimbil le geei inyamɔn. Maa tun ni bi. Min Uwumbɔr le len kina.’

Esekiel 13:7

M tuk bi ke: Tibɔkpiirkaan ngbaan aa gbii, le naah bui ke tiwan ni ga ŋa na ye inyamɔn. Ni bui ke ŋi ye maamɔbon la, m mu aa len tibɔr ni chee.”